It(em) goird vekema(n) wille(m) vekema(n) zijn sone met hue(re)n magen en(de)/ vriende(n) ter eend(er) jan ende symoen faige geheete(n) raymakers/ gebruede(re)n andries mathijs en(de) jan moens sone jacops van/ leefdale met hue(re)n mage(n) ende vriende(n) ter ande(r) zijde(n) in p(rese)ncia/ hebben gekint en(de) gelijdt dat zij bij ond(er)wijse van hue(re)n vriende(n)/ te beyden zijden ov(er)come(n) zijn alse vand(er) soene(n) vand(er) doot henr(ix)/ wijle(n) vekema(n) bijde(n) voers(creven) gebruede(re)n andriese en(de) ja(n)ne moens/ van live ter doot bracht ind(er) manie(re)n hier nae v(er)claert Ierst/ dat de voers(creven) soenders voir de beternesse(n) va(n) dien en(de) der siele(n)/ salich(eit) vande(n) aflivich(eyt) bynne(n) xl dage(n) naestcomen(de) sulle(n) doen/ doen elc van hen tgebet van vierdalf hondert cloest(er)s ende/ oic bynne(n) den selve(n) tijde elc van hen sal doen doen xx missen/ van requie(m) It(em) dat zij alle tsame(n) te velthem opt gewijdde/ sulle(n) doen sette(n) een cruyce gelijc tcruyce es dat opde(n) kerchof/ te winxele staet voir de kynde(re) jans vande(n) b(er)ghe It(em) sal/ noch elc van hen sculdich zijn te doene eene(n) wech sinte/ pet(er)s te roome(n) te porre(n) bynne(n) xl dage(n) nae den voetval/ It(em) bij alsoe de voers(creven) goird en(de) zijn sone ten dage vand(er) soene(n)/ beghee(re)n te hebbe(n) den eedt vand(en) voers(creven) vier p(er)soene(n) soende(re)n/ oft yema(n)t meer met hen handedich geweest heeft aen den/ voers(creven) [wijlen] henrick dat zij dien sculdich sulle(n) zijn te doene/ en(de) hen d(aer) af bij eede te purge(re)n en(de) v(er)clee(re)n It(em) bove(n) alle/ desen hebbe(n) alle de voers(creven) p(er)soene(n) gelooft ind(ivisim) den voers(creven)/ willem(me) vekema(n) hondert pet(er)s te xviii stuv(er)s nieuwer/ mu(n)te(n) tstuc nu loopen(de) deen heelicht d(aer) af te six/ sinxen(en) en(de) dand(er) heelicht sinte denijsmesse beyde naestc(omende)/ te betalen(e) quol(ibe)t ass(ecutu)[m] Ende voe(r) alle dese gelufte(n) behalve(n)/ vande(n) wege(n) zijn borge(n) der voers(creven) zoend(er)s ta(m)q(uam) pri(n)cipal(es)/ ind(ivisim) en(de) elc voir all aert van haecht jan va(n) haecht zijn/ brued(er) jacop lyedens cornel(is) van haren jacop moens vad(er)/ des voers(creven) jans alle va(n) leefdale joes mathijs henrick haycx/ beyde va(n) houthev(er)le giel(is) ydelette(n) brued(er) der voers(creven) andries en(de)/ joes mathijs gebruede(re)n woenen(de) te loeven(e) Et exin(de) p(ro)mis(eru)[nt]/ p(re)d(i)c(t)i joha(n)nes moens et jacobus eius p(ate)r r(e)liquos co(m)plices/ p(re)d(i)c(t)os indempn(es) r(e)leva(r)e de una medietate et alii o(m)nes/ de r(e)liqua me(dieta)[te] insup(er) d(i)c(t)i f(rat)res raymakers arnold[(us)] et/ / joha(n)nes de haecht jacobus lyedens et cornelius de haren/ p(re)fatos andrea(m) et judocu(m) mathijs f(rat)res henricu(m) haycx/ et egidiu(m) ydelette(n) indempn(es) (con)s(er)va(r)e de duabus t(er)ciis/ p(ar)tibus une medietat(is) et ip(s)i f(rat)res mathijs henric[(us)]/ haycx et egidius ydelette(n) ip(s)os de r(e)liq(ua) t(er)cia p(ar)te eiusd(em)/ medietat(is) deinde f(rat)res raymakers eoru(m) co(m)plices/ joh(ann)es moens suu(m) p(at)rem et andreas f(ratr)res suos co(m)plices/ indempn(es) r(e)leva(r)e de p(re)miss(is) cor(am) naus(nydere) donck ap(ri)lis vi[a]