Vanden gedinge inde banck voir meye(r) en(de) scepen(en)/ van loven(e) geport tusschen janne pet(er)cels scrij(n)/ make(r) man en(de) mo(m)boir marien hessels wed(uw)[e]/ wout(er)s wilen haveloes geleydt zijnde nae des(er)/ stadt recht voir zijn wettich gebreck uut crachte/ van scepen(en) brieve(n) van loven(e) spreken(de) van ii r(insch)gul(den)/ erflic tot alle den goeden beide have en(de) erve jans/ mailherbe en(de) zeke(r) zijn borgen ter eenre en(de)/ den selve(n) janne ter ande(r) zijden Ald(aer) de voirs(creven)/ jan pet(er)cels v(er)socht te hebben(e) betalinge en(de)/ bewijssenisse van zijnd(er) rinten oft dat hem/ de goede desselfs jans die d(air)voi(r)e gelevert/ wae(re)n d(air)voi(r)e sculdich souden zijn te volgen(e) Dair/ tegen de voirs(creven) jan mailherbe hem v(er)antw(er)den(de) dede/ seggen dat de voirs(creven) rinte wel v(er)borcht wae(r) met/ leven(de) borgen en(de) de voirsaten des voirs(creven) jans/ pet(er)cels wel mede te vreden hadden geweest/ hopen(de) d(aer)mede te gestaen(e) aengaen(de) den ond(er)pande/ en(de) van des hij mocht tacht(er) zijn p(rese)nteerde hij te/ voldoen(e) want de borghen noch leefde(n) ende/ solve(n)t genoech wae(re)n nietmyn soe v(er)re den hee(re)n/ / dochte dat hij voirde(r) pant d(air)voi(r)e sculdich wae(r) te/ setten(e) en(de) zij dat met vo(n)nissen v(er)claerden was hij/ oic te vreden dien te stellen(e) nae der stadt recht/ met meer woirden bij p(ar)tien gealleg(er)t Es gewijst/ met vo(n)nisse dat de voirs(creven) jan mailherbe sculdich/ sal zijn pant te stellen(e) voir de ii r(insch)gul(den) erflic/ dair questie af es en(de) zijne p(rese)ntacie te voldoen(e)/ in sca(m)pno cor(am) o(mn)ibus dempt(is) scoonvorst hermeys ap(ri)lis/ xxix