Alsoe als ten vervolge lodewijcx lorain geleydt zijnde/ nae den rechte van des(er) stadt uut crachte van scepen(en)/ brieve(n) van loven(e) tot alle den goeden beiden have/ en(de) erve henricx renir lambrechts en(de) andries duffay/ gebruede(re)n soe waer die gelegen zijn gescreve(n) es/ geweest met brieve(n) van des(er) stadt aen den meye(r)/ van mont s(ain)[t] andrieu oft zijnen stadhoude(r) hem/ alle deselve goede te leve(re)n en(de) te doen volgen/ oft den bring(er) der voirs(creven) brieven in zijne(n) name/ ende den voirs(creven) gebruede(re)n oft zij hen d(aer)tegen/ hadden willen oppone(re)n dach van rechte op heden/ dienen(de) alhier te compare(re)n inde banck voir meye(r)/ en(de) scepen(en) van loven(e) doen besceiden Tot welken/ dage de voirs(creven) gebruede(re)n noch nyema(n)t van hue(re)n/ / wegen en zijn gecompareert den voirs(creven) geleidden co(m)pare(re)nde/ ende trecht vort v(er)sueken(de) soe hebben de scepen(en) van loven(e)/ yerst aengehoirt cornelijse reyns bode te voete van des(er)/ stadt die cleerde bij zijnen eede de leveringe en(de)/ dach bescheidinge voirs(creven) bijden voirs(creven) meye(r) gedaen te/ zijne ter manissen smeyers gewesen met vo(n)nissen/ datmen den voirs(creven) geleidden vanden voirs(creven) goeden/ houden soude inde macht van zijne(n) scepen(en) brieven/ beleide soe v(er)re het noch voir hen scepen(en) comen es eisd(em)