Item jan diericx woenen(de) inde groefstrate in p(rese)ncia/ heeft gekint en(de) geleden dat hem arndt meys/ volcomelijck met gereeden pe(n)ni(n)gen gelost en(de)/ afgequeten heeft eenen rinschguld(en) te xx st(uvers) en(de)/ drie pl(a)c(ken) voir den stuv(er) erfeliker rinten van dien/ drie rinschguld(en) erffeliker rinten die gordt de keers/ make(re) wout(er) vanden tymple en(de) arndt meys bekint/ hebben met scepen(en) brieve(n) van loven(e) xxvii maii/ a(n)no xiiii[c] lxxxiii Scelden(de) mits dien volcomelijc/ quijt den selve(n) arnde zijn erfgename(n) en(de) naeco/ melingen vanden selve(n) rinschguld(en) erflic Geloven(de)/ hem zijn erfgenamen en(de) naecomelinge(n) vand(en) selve(n)/ rinschguld(en) erflic noch oic vanden ande(re)n twee/ rinschguld(en) erflic die noch ongequeten bliven/ staen(de) ne(m)mermeer aen te spreken te vexe(re)n noch/ te moeyen in gheene(n) rechte geestelijc noch/ weerlijck bij hem selve(n) oft yema(n)de anders be/ halven hem zijnd(er) actien en(de) rechte vanden ande(re)n/ twee r(insch)guld(en) erflic opden voirs(creven) goirde en(de) woute(re)n/ Geloven(de) vorts d(aer)voi(r)e inne te staen(e) en(de) warant/ te zijne dat hen bijde kinde(re) hen(rix) wilen diericx/ zijns soens noch bij yeman(de) anders ne(m)mermeer/ aensprake hinder g oft letsel gedaen en sal wordden/ in gheend(er) manie(re)n cor(am) naus(nydere) donck maii xx