Item hoe wel de voirs(creven) willem inde voirs(creven) vie(r)/ mudde(n) corens erflic simpl(icite)r es gegoet soe es/ nochtan dat geschiet inde stadt van dien drie/ rijders erflic die de voirs(creven) henrick als pri(n)cipael/ en(de) de voirs(creven) willem met meer ande(re)n als borgen/ tande(re)n tijden met scepen(en) brieve(n) van loven(e)/ bekint hebben en(de) sculdich zijn meeste(re)n claese/ van amst(er)da(m)me de welke de voirs(creven) willem mits/ des(er) geloeft heeft tot zijnen laste alleen(e) te dragen/ en(de) den voirs(creven) henricke zijn borgen en(de) hue(r) goede/ d(aer)af costeloes en(de) scadeloes te houden(e) en(de) tontheffen(e)/ Ende es alsoe voirw(er)de dat de voirs(creven) henrick/ zijn erfgenamen oft naecomelingen de voirs(creven) vie(r)/ mudden rogs uuyt handen des voirs(creven) willems/ sele(n) moegen lossen en(de) afquiten bynne(n) drie jai(r)en/ naistcomen(de) met alsulken en(de) soe vele pe(n)ni(n)gen/ d(aer)mede de voirs(creven) drie rijd(er)s erflic staen te lossen/ en(de) te quiten(e) al waert dat die bynne(n) middelen/ tijde bijden voirs(creven) willem(me) wae(re)n gelost en(de) afge/ queten Ende in alsoe v(er)re de voirs(creven) henrick/ zijn erfgenamen en(de) naecomelingen de voirs(creven)/ lossinge bynnen den voirs(creven) drie jai(r)en doen salmen/ de voirs(creven) guedinge vand(en) voirs(creven) vie(r) mudden rogs/ / erflic te nyeute doen en(de) anders niet behalve(n) soe/ wes gehaven oft geleet wae(r) van pachte bijder/ eend(er) p(ar)tien oft der ande(r) ten tijde vand(er) quitinge(n)/ dat dat geleet oft gehaven sal blive(n) Behoudelijck/ oft de drie rijders vielen voir kersmisse naistcomen(de)/ datmen willem(me) eenen pacht opleggen sal soe v(er)re/ hij d(aer)tegen den pacht vanden coren(en) niet gehave(n) en/ hadde eisd(em)