Vand(er) questien geport voir den raide vand(er) stadt/ tusschen ph(ilips)e der neven borg(er)meest(er) van halen met/ / meer ande(re)n ingeseten(en) der stadt van halen tegen/ henricke scoesitters he(n)ricke vand(er) eect anthonijse/ de hane en(de) meer ande(re)n hue(re)n medeplege(re)n/ geseten inde buytingen van halen aengaen(de)/ den costen die arndt vand(er) eect overlang geeyscht/ heeft der stadt van halen uut saken van/ zeke(re)n vacatien en(de) costen die desselfve arntd vad(er) eect/ als gemechticht vand(er) stadt en(de) ingeseten(en) van halen/ v(er)leet en(de) verdient hadde int vervolgen van seke(re)n/ cortselen bij hem v(er)volght inde raide van braba(n)t/ d(aer)inne de selve van halen alhier bij t(er)mi(n)acien van/ deser stadt wae(re)n geco(n)dempneert Welke costen/ de voirs(creven) borg(er)meeste(re)n en(de) ingeseten(en) van halen/ sustineerden dat alsoe wel die vand(er) buytingen/ sculdich souden zijn te gelden(e) als dingeseten(en)/ d(aer)voi(r)e zij hen gepant hadden dwelc de selve/ vand(er) buytingen met brieve(n) van des(er) stadt uuyt/ gescreven hadden Ende de voirs(creven) vand(er) buytingen/ sustineerden d(aer)af ongehouden te zijne want zij/ soe zij seyden soe wel van hue(re)n wegen eene(n)/ geco(m)mitteert hadden als die van bynne(n) meynen(de)/ metten hue(re)n te v(er)nuegen te gestaen(e) Niet myn/ soe v(er)re zij souden moeten gelden inde costen van/ arnde vand(er) eect sustineerden zij dat dingeseten(en)/ hem ter ande(r) zijden soe wel souden moeten hulpe(n)/hu gelden inde costen van hue(re)n gemechtichden als/ zij souden inde costen van arnde Met meer/ woirden bij p(ar)tijen in wed(er)zijde gealleg(er)t es/ bijden vollen raide vand(er) stadt uuytgesproken en(de)/ get(er)mineert dat die vand(er) buytingen sculdich/ sullen zijn metten ingeseten(en) van halen te co(n)tribue(re)n/ inde costen van arnde vand(er) eect behalve(n) dat ter/ ande(r) zijden die van bynne(n) mede sculdich sullen/ zijn te contribue(re)n inde costen vand(en) ghene(n) die/ van buyten gemechticht hebben geweest soe v(er)re/ die enige vacacien oft costen hebben gehadt/ oft geleden in (con)s(ili)[o] opidi junii iiii