Alsoe als ten vervolge des voirs(creven) claes p(ro)cur(eur) des/ voirs(creven) p(re)laets geleydt zijnde nae den rechte van des(er)/ stadt uut crachte van scepen(en) brieve(n) van loven(e)/ tot alle den goeden beide have en(de) erve henricx/ wilen van ned(er)hem soe waer die gelegen zijn gescreve(n)/ es geweest met brieve(n) van des(er) stadt aen den meye(r)/ van halen oft zijne(n) stadhoude(r) te beetze hem alle/ de selve goede te leve(re)n en(de) te doen volgen oft den/ bring(er) der voirs(creven) brieve(n) in zijne(n) name ende den/ kinde(re)n des voirs(creven) wilen henricx en(de) hue(re)n mo(m)boirs/ oft zij hen d(aer)tegen hadden willen oppone(re)n dach/ van rechte op heden dienen(de) alhier te compare(re)n/ inde banck voir meye(r) ende scepen(en) van loven(e)/ doen bescheiden Tot welken dage de voirs(creven) kinde(re)/ hue(r) mo(m)boirs noch nyema(n)t van hue(re)n wegen en/ / zijn gecompareert den voirs(creven) geleidden co(m)pare(re)nde en(de)/ trecht vort v(er)sueken(de) soe hebben de scepen(en) van/ loven(e) yerst aengehoirt cornelijse reyns bode te/ voete van des(er) stadt die cleerde bij zijne(n) eede de le/ veringe en(de) dach besceydinge voirs(creven) bijden stadhoude(r) des/ meyers van halen tot beetze geschiet te zijne ter ma/ nissen smeyers gewesen met vo(n)nisse datmen den/ voirs(creven) geleidden vanden voirs(creven) goeden houden soude/ inde macht van zijnen scepen(en) brieve(n) beleide soe/ v(er)re het noch voir hen scepen(en) comen es eisd(em)