Item henrick de becke(re) sone wilen henr(ix) ende/ lijstbeth halleman zijne huysvr(ouwe) hebben gekint/ en(de) geleden gehaven te hebben(e) en(de) ontfangen/ van janne de reniamo(n)t van camerijcke de/ so(m)me van ii[c] croone(n) te xxiiii st(uvers) tstuc ind(er)/ weerden als de pe(n)ni(n)gen cours en(de) loop hadden/ inde bamis merct a(nn)[o] lxxxviii lestleden welke/ / so(m)me henrick wilen halleman brued(er) der voirs(creven)/ lijsbetten alsdoen sette in handen des voirs(creven) jans/ Bekynnen(de) hen de voirs(creven) gehuysschen bijden voirs(creven)/ janne vand(er) voirs(creven) so(m)men volcomelijc genoech/ gedaen te zijne scelden(de) d(aer)af volcomelijc quijt/ den voirs(creven) janne zijne(n) erfgename(n) en(de) goeden/ ende alle ande(r) des quitan(cie) behoeven(de) ende hebbe(n)/ geloeft de voirs(creven) gehuysschen den voirs(creven) janne d(aer)af/ tegen eene(n) yegeliken inne te staen(e) recht wara(n)t/ te zijne ende te blive(n) tot ewigen dage(n) En(de)/ in gevalle de voirs(creven) jan zijn erfg(enamen) oft naeco/ melinge(n) d(aer)o(m)me bij yema(n)de wordde(n) gevexeert/ oft gemoeyt in e(n)nigen rechte geestelijc oft weerlijc/ en(de) d(aer)om hadden en(de) leden cost en(de) last oft dat/ hij oft zij wordden geco(n)de(m)pneert de voirs(creven) pe(n)ni(n)ge(n)/ in al oft in deele noch eens te betalen hebben/ de voirs(creven) gehuysschen geloeft den voirs(creven) janne en(de)/ zijne(n) naecomelinge(n) tot zijnd(er) oft hue(re)r maniss(en)/ opte leggen en(de) te betalen alsulken so(m)me met/ alle costen ende lasten als hij oft zij uuyt saken/ van des(er) soude oft souden moete(n) betalen als/ v(er)reycte schout Ende hier af zijn borghe(n) der/ voirs(creven) gehuysschen ind(ivisim) et ut pri(n)cipales jan en(de)/ roelof becke(re) gebruede(re)n des voirs(creven) henr(ix) et/ duo p(ri)mi cor(am) lyefke(n)rode burg(imagistr)[o] junii xviii/ It(em) al tgene dat voirs(creven) is heeft des voirs(creven) henr(ix) wijf in zijnd(er)/ p(rese)ncien en(de) met zijne(n) co(n)sente gedae(n) cor(am) abs(oloens) burg(imagistro) aug(usti) xvi a(nn)[o] xc