Vand(er) questien gecomen voir den raide vand(er) stadt/ tusschen woute(re)n van thiene(n) ende pete(re)n vand(en)/ looke als mo(m)boren jans van thiene(n) sone wile(n)/ jans brieders inden blaesbach dien hij hadde/ van lijsbetten zijne(n) wive ter eend(er) en(de) robbeerde/ diericx oic briede(r) ter ande(r) zijden aengaen(de)/ der come(n)scap van seke(re)n moute dat de voirs(creven)/ robbeert tegen den voirs(creven) mo(m)boirs gecocht hadde/ gedragen(de) wel ter so(m)men van twee hond(er)t thien/ rinschguld(en) oft dair omtri(n)t Welke come(n)scap ge/ buerde luttel voir kersmisse lestleden D(aer)op de/ voirs(creven) robbeert ter goed(er) rekeni(n)gen ten tijde/ vand(er) come(n)scap betailt hadde hond(er)t rinschgul(den)/ en(de) vand(en) surplus hadde hij dach te betalen(e) te/ sinxen(en) d(aer)nae volgen(de) en(de) nu lestleden welc/ surplus de voirs(creven) mo(m)boirs de voirs(creven) mo(m)boirs/ meynden te heffen(e) in gelde als nu cours heeft/ Te voirde(r) want zij seyden dat ind(er) come(n)scap ond(er)/ sproken was dat robbeert betale(n) soude alsulken/ gelt als ten tijde vand(er) betalinge(n) cours hebbe(n)/ soude dwelc zij soe v(er)re hen dat mocht passe(re)n/ int recht sustineerde(n) te bewijsen(e) met roelove/ tybe die bijde come(n)scap hadde geweest Ende/ de voirs(creven) robbeert sustineerde te gestaen(e) met/ lichten gelde hen ontkynnen(de) dat d(aer)af e(n)nich/ bespreck hadde geweest hem des oic gedragen(de)/ totten selve(n) roelofve Ende nae dien de selve/ p(ar)tien in wed(er)zijden mynlijc ov(er)gave(n) ende/ te vreden wae(re)n mette(n) ghene(n) des de voirs(creven)/ roelof d(aer)af seggen soude heeft de voirs(creven) roelof/ gecleert dat de come(n)scap gedaen was met/ lichten gelde en(de) dat robbeert vand(en) surplus/ / voirs(creven) dach hadde tot sinxen(en) voirs(creven) en(de) (hij) (van)/ gheene(n) ond(er)spreke en wist Soe es ge(termineert)/ en(de) uuytgesproken dat de voirs(creven) robbeert (gestaen)/ sal met sulken gelde als cours hadde ten tij(de)/ vand(er) come(n)scap in (con)s(ili)[o] opidi junii xxi