Alsoe als ten vervolghe claes gielijs als/ p(ro)cur(eur) der kinde(re)n jans wilen ghielijs die/ met scepen(en) brieve(n) ov(er)lang gepass(eer)t hebben(de) en(de)/ houden(de) zijn aen en(de) op de goede hier nae volgen(de)/ wout(er)s van kermpt twintich gripen erffeliker rinte(n)/ gescreve(n) es geweest met brieve(n) van des(er) stadt/ aen den meye(re) van halen oft zijne(n) stadhoude(re) te/ corttenaken hem alle de selve goede te leve(re)n en(de)/ te doen volge(n) oft den bring(er) der voirs(creven) brieve(n)/ in zijne(n) name Ende dat in gevalle van op/ posicie(n) de voirs(creven) wout(er) op heden te mistijde alh(ier)/ come(n) wa(r)e inde banck voir meye(re) en(de) scepen(en)/ van loven(e) tot welken dage de voirs(creven) wout(er) noch/ nyema(n)t van zijne(n) wegen niet en es geco(m)pareert/ den voirs(creven) p(ro)cur(eur) co(m)pare(re)nde en(de) trecht vort v(er)sueken(de)/ Soe hebben de scepen(en) van loven(e) yerst aengehoirt/ janne boschman bode te voete van des(er) stadt die/ cleerde bij zijne(n) eede dat de stadhoude(r) smeyers/ van halen te corttenaken de leveri(n)ge en(de) dach/ bescheidinge behoirlijck gedaen heeft ter maniss(en)/ smeyers gewesen met vo(n)nissen datmen den
//
voirs(creven) geleidden [p(ro)cur(eur)] vand(en) voirs(creven) goeden houde(n) soude/ inde macht van zijne(n) scepen(en) scepen(en) brieve(n)/ in sca(m)pno Cor(am) o(mn)ibus de(m)pt(is) duffle keersmake(re)/ pynnock dece(m)br(is) ii