Condt zij allen lieden dat pauwels de pape/ sone wilen gheerts woenen(de) opden blauwe(n)/ putte en(de) g(er)t de pape zijn sone woenen(de) ten/ huffle hebben genomen en(de) bekint genome(n)/ te hebben(e) van hee(re)n willem(me) kinsschot proefst/ sgoidsh(uys) van tong(er)loe zeke(re) goede desselfs/ goidsh(uys) gelegen ten huffle in huysen hove(n) wynnen(de)/ landen beemde(n) eeusselen weyden en(de) ande(re)n/ hue(re)n toebehoirte(n) uuytgenome(n) den chijs den/ selve(n) goede(n) toebehoiren(de) dair de voirs(creven) wynne/ gheen recht inne hebben en sullen soe v(er)re/ gordt ty(m)merman die gehouden heeft Te/ houden te hebben en(de) te wynne(n) van half/ m(er)te a(nn)[o] lxxxix lestleden eene(n) t(er)mijn van/ xii jai(r)en lang due(re)nde deen nae dand(er) sond(er)/ middel vervolgen(de) Elcx jairs dae(re)nbynne(n)/ om en(de) voir xii mudde(n) rogs pag(abilis) cu(m) va/ en(de) een half mudde even(en) cuiusl(ibe)t grani/ pag(abilis) cu(m) va(nn)[o] mensu(r)e lovan(iensis) alsulcx als/ opde voirs(creven) goede wassen sal En(de) twintich/ hollan(tsche) guld(en) te xvi st(uvers) tstuc jairlijcx s(in)[t] andries/ misse ap(oste)ls te betalen(e) en(de) te loven daert/ den voirs(creven) hee(re) gelieve(n) sal te leve(re)n quol(ibe)t/ ass(ecutu)[m] En(de) sele(n) den yersten pacht en(de) pe(n)ni(n)gen
//
v(er)schijne(n) s(in)[t] andriesmisse a(nn)[o] xcii naistcomen(de)/ Met condicie(n) ende voirw(er)den dat de voirs(creven)/ wynne(n) boven des voirs(creven) staet jairlijcx in des/ voirs(creven) goidh(uys) herberge te loven leve(re)n sulle(n) te/ hoytijde een goet voed(er) hoys alsulcx als va(n)d(en) selve(n)/ goeden comen sal en(de) dae(re)nbove(n) betalen jairlijcx/ en(de) alsoe in tijts en(de) uren alle den chijs uuyte(n) voirs(creven)/ goeden gaen(de) sond(er) cost oft last des voirs(creven) goidsh(uys)/ dat tselve d(aer)bij niet beschadicht en zij It(em) sele(n)/ de wynne(n) jairlijcx opt voirs(creven) goet hue(re)n t(er)mijn due(re)nde/ setten en(de) plante(n) xxv levend(er) poten It(em) sele(n) de wynne/ jairlijcx leve(re)n xxxv walme(re)n mandele(n) walme(re)n/ goet en(de) custbair om de huysinge(n) ald(aer) mede te/ decken(e) en(de) wes men aen de voirs(creven) oude huysi(n)ge/ en(de) dofhuyse ald(aer) staen(de) dect oft plect d(aer)af sele(n) de/ wynne(n) den werckliede(n) den mo(n)tcost geve(n) en(de) tgoidsh(uys)/ sal de dachue(re)n betalen It(em) de wynne(n) selen/ thue(re)n afscheiden(e) de voirs(creven) lande al bloot laten/ wa(n)t zij die alsoe vand(en) des sullen zij in hue(re)/ leste jair t(er)stont nae den oigst d(aer)af scheiden/ It(em) sele(n) de voirs(creven) wynne(n) den voirs(creven) t(er)mijn due(re)nde/ de voirs(creven) goede wel en(de) loflijck wynne(n) begrechte(n)/ bevreden en(de) bemesten gelijck zijn reegenoote(n)/ bove(n) en(de) beneden It(em) selen de voirs(creven) wynne(n)/ jairlijcx den voirs(creven) t(er)mijn due(re)nde den voirs(creven)/ goidsh(uys) doen drie dage corweyden met hue(re)n/ wagen(e) en(de) p(er)den It(em) sal tvoirs(creven) goidsh(uys) hebbe(n)/ deen helicht vand(en) duyve(n) die jairlijcx vand(en)/ duyfhuyse ald(aer) come(n) sele(n) mair de wynne(n)/ selen tselve duyfhuys moeten spijsen en(de) de/ duyven vueden voir dand(er) helicht vand(en)/ duyve(n) en(de) tgeheel duyve(n)mest sal hen toe/ behoi(re)n It(em) de wynne(n) selen jairlijcx hue(re)n/ termijn due(re)nde inde voirs(creven) herberge te love(n)/ leve(re)n acht mandele(n) stroes It(em) selen m(ijn) hee(re)/ en(de) de wynne van malcande(re)n ten negen/ jai(r)en bij alsoe dat de ghene die scheiden wilt/ dat den ande(re)n een jair te voren sal moete(n)/ cu(n)digen En(de) alle dese voirw(er)den d(omi)no p(re)posito/ renu(n)cian(te) (et)c(etera) Cor(am) lyefke(n)rode vynck m(ar)tii x