Item es te weten(e) dat de voirs(creven) brieve va(n) ii mudd(en) corens/ lijftocht(en) bekint es den voirs(creven) gheerde inde stad van/ dien twee mudden corens die de voirs(creven) wijle(n) roeloff/ van berthem gemaict hadde den voirs(creven) gheerde en(de) qui(n)ten(e)/ van berthem Te weten(e) elken der voirs(creven) p(er)soen(en) een mudde/ corens lijftocht(en) dwelc een mudde corens de voirs(creven) gheert/ teg(en) den selve(n) qui(n)ten(e) op heden gecocht heeft voir eene/ seke(re) so(m)me va(n) pe(n)ni(n)gen te weten(e) viii ryns guld(en) dair/ af hem de selve qui(n)ten vernuecht kint Scelden(de) mits/ dien de voirs(creven) qui(n)ten ende gheert den voirs(creven) p(er)soen(en)/ aengaen(de) der making(en) vande(n) voirs(creven) ii mudde(n) corens/ volcomelijck quijte Bekynnen(de) hen mits des(er) d(aer) aff/ volcomelijc vernuecht te zijne Eisdem