Het zijn comen in rechte inde banck voir meye(r)/ en(de) scepen(en) van loven(en) jan van scoonvorst ende/ meest(er) stas vand(er) hoeve(n) beide als geleydt voir/ hue(r) wettich gebreck uut crachte van scepen(en) brieve(n) van loven(en) ond(er) den ande(re)n tot alle den goede(n)/ beide have en(de) erve hee(re)n jacops p(ro)thonotar(is) van/ croy aenlegge(re)n ter eenre en(de) jan van berthe(m) sone/ wilen roelofs verweerde(r) ter ande(r) zijden Aldair/ de vors(creven) aenlegge(re)n yerst deden lesen hue(r) voirs(creven)/ beleydt en(de) dae(re)tynden dede(n) zij segge(n) dat zij/ uut crachte vand(en) selve(n) beleide hen hadde(n)/ doen leve(re)n nae des(er) stadt recht alsulken silve(re)n/ juweelen als zij bevonde(n) hadden staen(de) in/ handen joha(n)nis heyms wisselers van des(er) stadt/ den voirs(creven) hee(re)n jacoppe toebehoiren(de) sustine(re)nde/ dat hen en(de) hue(re)n beleide(n) die juweele(n) sculdich/ souden zijn te volgen en(de) hen ae(n)gewesen te/ wordden tot hue(re)n wettige(n) gebreke behoef te/ voirde(r) wa(n)t zij die met rechte hadden gevolght/ en(de) hen die doen leve(re)n Ende al mocht de/ voirs(creven) jan van berthe(m) dair tegen doen segge(n)/ dat de voirs(creven) juweele(n) wa(r)en opde(n) voirs(creven) wissel/ gestelt bijden voirs(creven) jacoppe oft zijne(n) diene(re)n tot/ behoef des voirs(creven) jans om he(m) te lossen(e) van/ alsulker borchtocht en(de) finan(cien) d(air)inne de voirs(creven) jan/ voir he(m) te laste mocht staen soe en soude dat/ den voirs(creven) janne niet conne(n) gediene(n) noch/ den voirs(creven) ae(n)legge(re)n ontdiene(n) te voirde(r)/ wa(n)t men niet bevi(n)den en soude dat de/ settinge met wette oft enige(n) rechte/ was gebuert Oft dat jan van berthe(m)/ oic met rechte en(de) vo(n)nisse totte(n) voirs(creven) pande(n)/ wa(r)e gecomen voir hue(r) voirs(creven) leveri(n)ge/ p(er)siste(re)nde mits dien in hue(r) voirs(creven) co(n)clusie/ dair tege(n) de voirs(creven) jan hem v(er)antw(er)den(de)/ dede segge(n) dat tande(re)n tijden de voirs(creven)/ m(ijn) hee(re) p(ro)thonotar(is) hem bat te blive(n) zijn/ borge met roelande van wesemale/ en(de) ja(n)ne besuts en(de) dat hij jan gheenss(ins)
//
borge blive(n) en woude hem excuse(re)nde dat/ hijt v(er)loest hadde en(de) dat alsdoen m(ijn) hee(re) de/ p(ro)thonotar(is) hem badt te blive(n) zijn borge/ met roelande van wesemale en(de) janne besuts/ en(de) dat hij jan gheenss(ins) borge blive(n) en woude/ hem excuse(re)nde dat hijt v(er)loest hadde en(de)/ dat alsdoen m(ijn) hee(re) de p(ro)thonotar(is) seyde ic/ soude bescae(m)t zijn ic bidde u blijft mijn borge/ ic wille u wel lossen ic sal alsoe vele/ silve(re)n pande(n) in uwe hande(n) oft ter plaetse(n)/ daert u belieft stellen als uwe deel gedrage(n)/ sal d(air)aen ghij u sult moege(n) richten en(de) u/ selve(n) lossen en(de) dat d(air)nae van desselfs/ p(ro)thonotar(is) wege(n) de voirs(creven) juwele(n) gestelt/ wa(r)en opte(n) wissel tot behoef des voirs(creven) jans/ van berthe(m) ende nyemants and(er)s om hem/ vand(er) borchtocht te lossen(e) des hem de selve/ jan gedroech totte(n) wissele(r) en(de) zijne(n) boeke/ Ende op tgene des de ae(n)legge(re)n seyden dat/ die met gheenen rechte en wa(r)en gestelt/ seyde de voirs(creven) jan dat des van gheene(n)/ noode en was wa(n)t een wissele(r) waer/ een openbaer p(er)soen gemeyn p(er)soen die/ eedt gedaen hadde tot behoef van eene(n)/ yegeliken dair gelt oft juweele(n) stellen(de)/ om die te verwaren tot behoef vand(en) ghene(n)/ d(air)toe die gestelt wa(r)en en(de) datmen die/ met gheend(er) wet oft rechte and(er)s en dorste/ stellen Des gedroech hem de voirs(creven) jan/ totte(n) rechte en(de) der oud(er) costume(n) in dien/ ond(er)houden p(er)siste(re)nde mits dien ter co(n)tra(r)ien/ vand(er) conclusien der voirs(creven) ae(n)legge(re)n dat/ de voirs(creven) pande(n) souden blive(n) staen(de) tot behoef/ van hem alsoe die gestelt wa(r)en en(de) dat de/ voirs(creven) ae(n)legge(re)n met hue(re)n vortstelle d(air)aen/ souden zijn v(er)doelt wa(n)t and(er)s soude hij d(air)mede/ qualijck toecome(n) en(de) ja(m)m(er)lijc sijn bedrogen/ gem(er)ct dat hij noyt and(er)s borge gebleve(n)/ en soude hebben en hadden de voirs(creven) juwele(n)
//
alsoe tot zijnen behoef niet geweest gestelt/ Dair tegen de voirs(creven) aenlegge(re)n bekynnen(de)/ genoech dat de voirs(creven) jan wa(r)e borge bleve(n)/ ende dat de juweelen tot zijnen behoef wa(r)en/ gestelt mair en was met gheene(n) rechte/ gebuert en(de) al mocht de voirs(creven) wissele(r)/ zijn een openbair gemeyn p(er)soon eedt gedaen/ hebben(de) dienen(de) voir eenen yegeliken dat/ mocht wel zijn om pe(n)ni(n)gen to(n)tfaen(e) mair/ niet om silve(re) juweelen to(n)tfaen(e) en(de) hadde/ men altijt geplogen nae des(er) stadt recht/ soe wa(n)neer men enige juweelen te pande/ stelde voir enige lijf oft erfrinte oft oic lossinge/ van enig(er) borchtocht die te stellen(e) mette(n)/ hee(re) en(de) der wet des hen oic daenlegge(re)n/ gedroegen totten rechte dair tegen de voirs(creven)/ verweerde(r) duplice(re)nde seyde dat wel/ wair mocht zijn alsmen sulken juweelen/ stelde in handen van enige p(ar)ticulie(re)n p(er)sone(n)/ gheene auctoriteyt hebben(de) mair en was/ dat alsoe niet te v(er)staen(e) van juweele(n)/ oft panden in handen vanden wissele(r) gestelt/ p(er)siste(re)nde mits desen en(de) meer ande(re)n reden(en)/ bij p(ar)tien in wed(er)zijde meer gealleg(eer)t luttel/ oft niet vele ter materien dienen(de) elc/ van hen in zijnd(er) voirs(creven) co(n)clusien Ende nae/ dien de scepen(en) beg(eer)t hebben hier op taenhoire(n)/ den wissele(r) met zijnen boeke aldair/ bevonden is geregistreert staen(de) des hier/ nae volght Ontfaen xx junii lxxxix/ van hee(re)n daneele mertens en(de) meeste(re)n/ diericke brant tot behoef jans van berthe(m)/ roelofssone thien silve(re) lepelen met v(er)guld(en)/ eekelen ende twee lepele(n) sond(er) eekelen/ en(de) niet v(er)gult met twee silve(re)n teelloren/ tsamen wegen(de) xxxvi[o(nce)] It(em) noch eenen
//
ov(er)decten v(er)gulden(en) croes wegen(de) xxiiii[o(nce)] xv[e]/ Ende die sal hier blive(n) staen(de) metten/ voirs(creven) teljore(n) ende lepelen tot behoef jans/ van berthe(m) roelofs sone voirs(creven) om dat/ hem jan van berthe(m) tallen tijden soude/ moege(n) behulpen tott(er) ontlastinge(n) vand(er)/ borchtocht die hij voir m(ijn) hee(re) den p(ro)thono(ta)r(is)/ van croy gedaen heeft xxii dage in junio/ a(n)no lxxxix tott(er) so(m)men van v[c] xvi r(ins)g(ulden)/ d(air)af de pe(n)ni(n)gen som bekeert zijn in lijfrinte(n)/ den d(enier) x en(de) som in erfrinten den d(enier) xviii/ alsoe dat blijct int selve regist(er) vand(er)/ wisselen folio xxxi Dese voirs(creven) pande(n)/ heeft hem doen leve(re)n meest(er) stas vand(er)/ hoeve(n) als geleydt totten goeden m(ijns)/des voirs(creven) hee(re)n des p(ro)thonotar(is) voirs(creven)/ uut crachte vand(en) selven beleide En(de)/ dat bij janne van oucle geheeten mariss(en)/ vorste(r) opten xxvi[en] dach van m(er)te a(n)no/ xc te thien uren voir der noenen/ jan roelofs hem seggen(de) p(ro)cur(ator) jans van/ berthe(m) heeft de voirs(creven) pande hier doen/ arreste(re)n bij janne lenarts geheeten de/ putte(re) vorste(r) ten voirs(creven) dage en(de) int/ selve jair omtri(n)t drie uren nae der noene(n)/ heeft de selve jan roelofs alsoe voirs(creven) is/ zijn rasteme(n)t oft arrestacie gedaen en(de)/ gecontinueert tot drie reysen toe van xv/ dagen te xv dagen nae der stadt recht/ van loven(en) acht(er)volgen(de) seke(re) uuytspraken/ der selv(er) stadt Es bij scepen(en) van loven(en)/ ter manissen smeyers gewijst met vo(n)nisse/ dat den geleidden de geleverde juweele(n)/ volge(n) sullen tot hue(re)n wettige(n) gebreke/ behoef In sca(m)pno p(rese)nt(ibus) om(n)ibus de(m)pt(is)/ pynnock keersmake(re) junii xvi