Iten henrick vande(n) berghe ter eend(er) lodewijc vand(er) borch/ voir hem selve(n) en(de) als vad(er) ende mo(m)boir zijnd(er) wettig(er)/ kynde(re)n in zijne(n) broode wesen(de) die hij behoude(n) heeft van/ jouffr(ouwe) marien wijlen van dongelberghe zijnd(er) huysvr(ouwe) docht(er)/ wijlen jacops die hij hadde van jouffr(ouwe) katlijne(n) wijle(n) va(n)de(n)/ b(er)ghe zijnd(er) huysvr(ouwe) sust(er)s des voers(creven) henr(icx) welke kynde(re)/ de voers(creven) lod(ewijc) tot des naebescreve(n) es gelooft heeft te v(er)va(n)gen(e)/ en(de) jouffr(ouwe) katlijne(n) va(n) dongelb(er)ghe sust(er) der voers(creven) wijle(n)/ jouffr(ouwe) marie(n) wed(uwe) jans wijle(n) vande(n) tymple cu(m) tuto(r)e/ voir haer selve(n) en(de) inde(n) name en(de) va(n) wegen lodewijcx/ en(de) jozijne(n) hue(re)n kynde(re)n die zij behoude(n) heeft vande(n)/ selve(n) wijlen ja(n)ne hue(re)n man de welke zij oic tot des/ naebescr(ev)[en] es heeft gelooft te v(er)vangen(e) soe v(er)re hen dat/ aencleeft ter ande(re) zijden In p(rese)ncia hebbe(n) gekint en(de)/ gelijdt dat tande(re)n tijde(n) bynne(n) den leven(de) live jouffr(ouwe)/ lijsbetthe wijlen vande(n) berghe oic sust(er) doen zij leefde/ des voers(creven) henricx tussche(n) hen drie p(ar)tijen een deylinge en(de)/ scheydinge gebuert en(de) geschiet es vande(n) goede(n) hen/ gebleve(n) en(de) verstorve(n) nae de doot en(de) aflivich(eit) henr(icx)/ wijle(n) vande(n) berghe en(de) jouffr(ouwe) katlijne(n) wijle(n) va(n) ov(er)wynge/ zijnd(er) huysvr(ouwe) vad(er) en(de) moed(er) des voers(creven) henr(icx) en(de) wijlen jouffr(ouw)[en]/ katlijne(n) en(de) lijsbetthe(n) vande(n) b(er)ghe en(de) oudevad(er) en(de) oude/ moed(er) der voers(creven) gesuste(re)n va(n) dongelb(er)ghe In welker/ deyling(en) den voers(creven) henricke vande(n) b(er)ghe voir zijn derde/ gedeelte gevallen zijn de goede h(ier) nae bescreve(n) Ierst/ thien dach(mael) lants d(aer) af de drie dach(mael) gelege(n) zijn ond(er)/ wiltsele en(de) dand(er) vii ond(er) rotselair opt dievevelt soe/ pet(er) dillen die te pachte houden(de) es opde(n) last van/ iii mol(evate) rogs iii mol(evate) g(er)sten en(de) iii mol(evate) even(en) d(aer) uutgaen(de)/ It(em) twee halve boende(re)n beempts gelege(n) ond(er) wynxele/ op drie cap(puyne) d(aer) uutgaen(de) It(em) eene(n) beempt geheete(n)/ tgrootbroeck gelege(n) ond(er) wiltsele It(em) een mudde rogs erf(lijc)/ op seke(re) pande gelege(n) opt kerchoff velt ond(er) rotselair
//
It(em) een half boend(er) beempts gelege(n) in hamelbroeck It(em) eene(n)/ beempt gelegen inde(n) ghevel houden(de) omtrint v dach(mael)/ It(em) huys en(de) hoff mette(n) hove wijng(ar)de en(de) allen zijne(n)/ toebehoirte(n) acht(er) ende voe(r) gelijc en(de) soe v(er)re jouffr(ouwe) katlijne/ van ov(er)wynge salig(er) gedachte(n) dat tot noch toe bewoent/ en(de) beseten heeft op een ey d(aer) uutgaen(de) It(em) vijf scilde/ erflijc opt huys der jouffr(ouwe) vande(n) tymple ald(aer) naest/ den voers(creven) huyse gelegen It(em) een ame wijns erfs pachts/ aen en(de) op een pere persse wijng(ar)t en(de) wynnen(de) lant/ geheete(n) den bloem(ar)t gelegen omtrint kessele Welke/ deylinge de voers(creven) lodewijc vand(er) borch en(de) jouffr(ouwe) katlijne/ van dongelberghe voir hen selve(n) en(de) inde(n) name als voe(r)/ gelaudeert geratificeert en(de) geapprobeert hebbe(n) d(aer) op behoirlijc/ v(er)thijen(de) ende renu(n)cie(re)nde P(ro)mitt(entes) sat(is) si quid p(ro)ut Cor(am)/ duffle buetsele junii xxvi