Item raes van grave(n) en(de) jouffr(ouwe) katline van/ dongelb(er)ghe zijne huysvrouwe lodewijck vand(er)/ borch voir hem selve(n) en(de) als vad(er) en(de) mo(m)boir/ zijnd(er) wettig(er) kinde(re)n die hij behoude(n) heeft/ van wilen jouffr(ouwe) marien van dongelb(er)ge zijnd(er)/ huysvr(ouwe) sust(er) der voirs(creven) jouffr(ouwe) katline(n) in/ p(rese)ncia hebben gekint en(de) geleden dat he(n)ricke/ vand(en) berghe oom der voirs(creven) suste(re)n voir zijn/ derde gedeelte vand(en) goeden die hen den selve(n)/ henricke en(de) jouffr(ouwe) lijsbetten wilen vand(en) b(er)ge/ sust(er) doen zij leefde desselfs henr(icx) v(er)schene(n)/ zijn nae de doot joncker lyebrechts wilen/ van meld(er)t van wegen jouffr(ouwe) jehanne(n) wilen/ van grave(n) zijnd(er) yerst(er) huysvr(ouwe) gebleve(n) en(de)/ gevallen zijn in zijn gedeelte de goede h(ier)nae/ bescreve(n) Ierst thoff geheeten van weys met/ huysen hoven wynnen(de) lande(n) beemde(n) bossche(n)/ en(de) allen ande(re)n zijne(n) toebehoirte(n) gelegen/ inde p(ro)chie van opp(re)baix van glymes en(de)/ d(aer)omtri(n)t gelijkerwijs ernoul ydoule die/ tot noch toe in pechtingen gehouden heeft/ Opt trecht d(aer)voi(r)e uuyt gaen(de) En(de) voirt/ meer op viii mudden rogs pag(abilis) cu(m) va(nn)[o]/ mensu(r)e lovan(iensis) alle jai(r)e s(in)[t] andriesmisse/ te betalen(e) en(de) te loven(en) te leve(re)n de vier/ mudden d(aer)af der voirs(creven) wilen jouffr(ouwe)/ lijsbetten en(de) dande(r) vie(r) mudde(n) den voirs(creven)/ gesuste(re)n ende hue(re)n naecomelinge(n) It(em) xx s(chellingen)/ gr(oeten) erflic op de stadt van thiene(n) vallen(de)/ jairlijcx half xxiii dage in m(er)te en(de) half/ xxiii dage in septe(m)bri It(em) eene(n) beempt/ gelegen in lovene(re)n broeck It(em) hebbe(n) vort/ de voirs(creven) p(er)sone(n) bekint dat den voirs(creven) henricke/ voir zijn gedeelte vand(en) goeden die hen/ bleve(n) ende v(er)storven zijn van en(de) nae de/ doot der voirs(creven) jouffr(ouwe) lijsbette(n) wilen vand(en)/ berghe sust(er) des voirs(creven) henricx en(de) moeye der/ voirs(creven) gesuste(re)n bleve(n) en(de) gevallen zijn in/ zijne deylinge de goede en(de) erfpachte(n) ende/ erfrinte(n) nae bescreve(n) Ierst viii mudde(n)
//
t(er)wen erfpachts aen en(de) opt thoff geheeten van/ stakenborch gelegen ond(er) doirne bij miille/ Item de voirs(creven) vie(r) mudden rogs erfpachts die/ de voirs(creven) jouffr(ouwe) lijsbeth behouden hadde op/ thoff van weys des voirs(creven) henricx It(em) vii/ rinschguld(en) erflic vand(en) xii gelike r(insch)guld(en)/ erflic die de voirs(creven) jouffr(ouwe) lijsbeth hadde/ opt tgoidshuys vand(en) troone d(aer)af dand(er) vive/ den voirs(creven) he(n)ricke oic toebehoi(r)en en(de) hem be/ wesen zijn inde stat vand(en) vijf r(insch)guld(en) erflic/ hem bij testemente der selv(er) jouffr(ouwe) lijsbette(n)/ voir uuyt gemaict te rotselair die men niet/ en conste alsoe bevi(n)den Item noch twee r(insch)g(ulden)/ erflic opt thuys geldolfs de draeye(re) gelegen/ inde dorpstrate It(em) de helicht van vijftich s(chellingen) gr(oeten)/ erfrinte(n) die de voirs(creven) jouffr(ouwe) lijsbeth hadde/ opde stadt van thiene(n) It(em) drie croone(n) erflic/ op hee(re)n janne pynnock en(de) zijn borghe(n) It(em) de/helicht drie r(insch)guld(en) erflic op pete(re)n dillen en(de)/ gorde vand(en) berghe zijne(n) borghe It(em) vie(r) r(insch)gul(den)/ erflic op janne van berthe(m) en(de) zijne(n) borghe(n)/ It(em) xxx st(uvers) erflic op huys en(de) hoff mett(er) voute(n)/ en(de) wijng(ar)de gelegen inde bout(er)she(m)strate wile(n)/ meest(er) jans van ov(er)wynge en(de) nu der voirs(creven)/ gesuste(re)n It(em) de helicht vand(en) bosschen toebehoiren(de) den hove van p(ar)treys die de selve jouffr(ouwe) lijsbeth/ besat It(em) (½) ame wijns Ende dese deylinge/ hebben de voirs(creven) p(er)sone(n) den voirs(creven) he(n)ricke geloeft/ vast gestentich en(de) van weerden te houden(e) op/ de voirs(creven) goede tot behoef des voirs(creven) henricx met/ wettig(er) v(er)thijenissen renu(n)cie(re)nde Promitt(entes) sat(is)/ siquid p(ro)ut Met condicien ende voirwerden dat de/ voirs(creven) he(n)rick de goede die hem gelijck voirs(creven) is/ van wegen der voirs(creven) jouffr(ouwe) lijsbetten zijnd(er) sust(er)/ in deylinge(n) gevallen zijn niet en sal moege(n)/ v(er)coopen v(er)thie(re)n oft belasten Mair dat die/ nae zijn doot sullen come(n) en(de) succede(re)n soe/ naevolgen(de) den teste(mente) der voirs(creven) jouffr(ouwe) lijsbette(n)/ behoirt Ende oft enige van dien rinte(n) af
//
geleet wordden dat die wed(er)om ter selv(er)/ natue(re)n aengeleet sullen wordden Cora(m)/ duffle buetsele m(ar)tii iiii