Vander questien geport voir meye(r) ende sintepeet(er)sma(n)ne(n) van/ loeven(e) tusschen gabrielle meybosch als aenlegge(r) ter eenre/ ende peete(re)n walscharts sinte peetersman verweerde(r) ter ande(r)/ zijden aldair de voirs(creven) gabriel dede seggen hoe dat des/ omtrint tussche(n) drie ende vier maenden lestleden de voirs(creven)/ peeter voir scepen(en) der vrijheyt van turnhout hem geloeft/ hadde te betalen(e) de so(m)me van thien rinsguld(en) en(de) xii st(uvers)/ bynne(n) eender maent doen naistcomen(de) ende dat hij hem/ tegen deselve gelufte met gheender poirterien vrijh(eyt) van/ sintepeet(er)smanscape noch met gheenderhande vrijh(eyden) gheestelijc/ noch weerlijc behulpe(n) en soude ende dat dair aff naemaels/ appointement gemaict was alse dat hem de voirs(creven) peeter/ betalen soude de so(m)me van thien r(ins)g(ulden) ende tsurplus/ soe wa(n)neer peeter met rechte de geheele scult soude hebbe(n)/ verhaelt opden ghenen dair voe(r) deselve peeter hadde/ verantweert ende soe verre hijt tegen hem verlore dat/ alsdan gabriel hem vanden thien r(ins)g(ulden) wederkee(re)n soude/ twee r(ins)g(ulden) vanden x Ende alse de voirs(creven) aenlegge(r)/ voir tselve gebreck met vo(n)nisse hadde gepant was de selve/ peeter gecome(n) te loeven(e) ende hadde aengenome(n) de
//
vrijh(eyden) van sintepeet(er)smanscape ende hadde alsoe de banck/ te turnhout doen sluyten sustine(re)nde mits dien de voirs(creven)/ gabriel dat gemerct den reden(en) voirs(creven) hij de voirs(creven)/ zijne sake soude moegen volghen ter plaetsen dair hij sijn/ recht hadde begonne(n) ende dat de voirs(creven) sinte peet(er)sman/ dair aff soude wordden gere(n)voyeert Dair tegen de voirs(creven)/ peeter hem verantweerden(de) dede seggen datmen ne(m)mermeer/ bevi(n)den en soude dat hij gerenu(n)cieert hadde de vryh(eyden)/ van sintepeetersmanscape ontkynnen(de) meest oic dande(re) pointen/ bijden voirs(creven) aenlegge(r) gealligeert ende nae dien de/ voirs(creven) aenlegge(r) gewijst es geweest tot zijne(n) thoene des/ hij meest al volqua(m) besundert dat hij inder gelufte(n)/ gerenu(n)cieert hadde van allen vrijh(eyden) ende oic van s(in)tepeet(er)sma(n)scape/ ende oic dappointement ende de pandinge die dair/ op met rechte geschiet was Hebben ter maniss(en) smeyers/ sintepeet(er)sma(n)nen gewijst met vo(n)nisse dat sij den voirs(creven)/ sintepeet(er)sman ende de sake renvoye(re)n ter plaets(en) dair/ de sake yerst begonst en(de) innegesteken es In scampno/ p(rese)ntib[(us)] abs(oloens) milite b(er)ghe h(er)meys tymple scab(in)is royele/ schore et anthonio abs(oloens) ho(min)ib[(us)] s(an)c(t)i petri nove(m)br(is) xv