Alsoe ten vervolge jans vande(n) ynde geh(eten) vander/ gouden alse p(ro)cur(eur) en(de) voirgange(r) m(ijn) vr(ouwen) va(n) ranshem/ die met scepen(en) brieve(n) va(n) loeven(e) overlang gepasseert/ jairlijx heeft en(de) houden(de) es aen en(de) op een hoff geh(eten)/ daelhem metten huys(en) hove(n) boog(ar)de wat(er)moelen(e) twee/ beempden ende alle(n) zijne(n) toebehoirt(en) geleg(en) inde p(ro)chie/ van s(in)te peet(er)s vissenaken thien goud(en) loeve(n)sche schilde/ erflijker rinte(n) met brieve(n) van des(er) stad gescreve(n)/ es geweest aen den meye(r) va(n) cu(m)ptich oft zijne(n) stadhoude(r)/ ende versocht zee(r) ernstelijck alle deselve goede te leve(re)n ende/ te doen volgen den voirs(creven) p(ro)cur(eur) oft den bring(er) ons(er) brieve(n)/ in zijne(n) name Ende henricke van daelhem oft hij teg(en)/ de voirs(creven) leveri(n)ge yet hadde willen allige(re)n dach va(n) rechte/ op heden dienen(de) alh(ier) te compare(re)n inde banck voir meye(r)/ ende scepen(en) van loeven(e) te bescheyden(e) Aldair hij noch
//
procur(eur) van zijne(n) wegen niet en compareerde(n) den/ voirs(creven) p(ro)cur(eur) compare(re)nde en(de) trecht voirts versueken(de)/ soe verre dat scepen(en) van loeven(e) ter maniss(en) smeyers/ gewesen hebbe(n) met vo(n)nisse nae dat hen behoirlijc/ gebleken was bij r(e)scripte willems va(n) vlasselair/ dieners smeyers va(n) cu(m)ptich tot vissenak(en) die/ r(ec)tificeerde onder sijn hanteeke(n) de leveri(n)ge ende/ dachbesch(eyde) nae inhoudt sbriefs ged(aen) te hebben(e) datme(n)/ den voirs(creven) p(ro)cur(eur) vanden voirs(creven) goeden houden soude/ inde macht van sijne(n) scepen(en) brieve(n) soe verre het noch/ voir hen scepen(en) come(n) was eisd(em)