Alsoe als ten vervolge gorijs van dyeven geleyt zijnde/ nae des(er) stad recht voir sijn wettich gebreck uuyt/ crachte van scepen(en) brieve(n) van loeven(e) tot alle(n) den goeden/ beyde have ende erve berthelmeeus tuts soe wair die/ geleg(en) sijn met brieve(n) van des(er) stad gescr(even) es geweest/ aen den meye(r) va(n) opvelpe oft zijne(n) stadhoude(r) en(de) versocht/ zee(r) ernstelijc alle des voirs(creven) berthelmeeus goede te/ leve(re)n en(de) te doen volgen den voirs(creven) geleydden oft den/ bringer ons(er) brieve(n) in zijne(n) name Ende den selven/ berthelmeeuse oft hij hem teg(en) de voirs(creven) leveri(n)ge hadde/ willen oppone(re)n dach van rechte op heden dienen(de) alh(ier)/ te compare(re)n inde banck voir meye(r) ende scepen(en) van/ loeven(e) te bescheyden(e) aldair de voirs(creven) berth(elmeeus) noch p(ro)cur(eur)/ van zijne(n) weg(en) niet en es gecompareert den voirs(creven)/ geleydden compareren(de) ende trecht voirts versueken(de)/ Soe hebben scepen(en) van loeven(e) ter maniss(en) smeyers/ gewesen met vo(n)nisse nae dat hen behoirlijk(en) was/ bij cleerniss(en) wout(er)s van boenrode die cleerde bij zijne(n)/ eede de leveri(n)ge geschiet en(de) p(ar)tien dachbesch(eydden) te zijne/ datme(n) den voirs(creven) geleydden vanden voirs(creven) goeden houden/ soude inde macht van zijne(n) scepen(en) brieve(n) soe verre/ het noch voir hen scepen(en) come(n) was eisd(em)