Aldair bijden raide vander stad come(n) sijn jan cockeroel/ legwerke(r) als vader ende mo(m)bour van denijse cokeroel/ sijne(n) sone onder sijn dage sijnde dien hij behouden heeft van/ jeha(n)nen wijlen vanden ynde wettige dochter marcx/ wijlen vande(n) ynde ende met hem e(n)nige vande(n) naisten/ magen ende vrienden van beyden zijden des voirs(creven) kints/ Bege(re)nde want de moeder alhier bynne(n) des(er) stad/ aflivich wordden was ende de vader alhier oic met/ sijne(n) kinde was geseten dat bijder selver e(n)nige mo(m)bours/ wordden geauctoriseert en(de) geordineert om des/ kints goede te rege(re)n ende oick om van skints wege(n)/ moegen scheydinge ende deylinge teysschen(e) va(n) seke(re)n/ goeden onder heyst gelege(n) den selve(n) kinde toebehoiren(de)/ en(de) verstorve(n) Sijn ter beg(er)ten desselfs jans en(de) sijnder/ vrienden totter selver mo(m)borien bijde stad geordineert/ en(de) geauctoriseert de voirs(creven) jan de vader en(de) met/ hem claes lesens seysemake(r) ende peeter van daelhem
//
om als mo(m)bours tselve kint ende sijn goede te rege(re)n/ dair af scheydinge ende deylinge te bege(re)n ende van/ des kints wegen die tontfange(n) ende te verthijden(e)/ ende al te doene ten meeste(n) orbo(r)e ende proffijte desselfs/ kints des mo(m)boire(n) sulle(n) moege(n) doen nae recht/ Behalve(n) dat sij talle(n) tijden als sij des versocht sulle(n)/ wesen van hue(re)n bewinde sculdich sulle(n) sijn te doene/ goede wettige rekeni(n)ge soe dair toe behoirt Act(um)/ in (con)s(ili)[o] opidi p(rese)nt(ibus) buetsele burg(imagistr)[o] b(er)ghe naus(nijdere) scab(in)is/ et plu(r)ibus aliis de (con)s(ili)[o] julii xxvii