Vanden gedinge geport inde banck voir meye(r) ende scepen(en) van/ loeven(e) tusschen jouffr(ouwe) a(n)nen laureys huysvr(ouwe) gheerts dueghens/ geh(eten) de gruyte(re) ter eender ende janne andries vleeschouwe(r)/ ter ande(r) zijden Aldair de voirs(creven) jouffr(ouwe) a(n)ne met eenen/ mo(m)boe(r) huer toegevuecht dede seggen soe dat sij den voirs(creven)/ janne andries hadde doen hachten voir de betalinge van/ vie(r) r(ins)g(ulden) lijfpen(sien) die hij huer met scepen(en) brieve(n) va(n) loeven(e)/ sculd(ich) was vander daet des xxiii[e] daichs dece(m)br(is) a(n)no/ xiiii[c] lxxxii lestleden dair aff hij tachter was van twee/ ja(r)en als sij seyde sustine(re)nde dat hij hue(r) dair aff sculd(ich)/ wa(re) te voldoene oft dat hij dair voe(r) soude in hachten/ blive(n) totter tijt toe hij huer gelijc voirs(creven) es hadde voldaen/ Dair tegen de voirs(creven) jan met hem gevuecht de voirs(creven)/ gheert de gruyte(re) dede seggen dat wel wair was/ dat hij met meer ande(re)n opten voirs(creven) xxiii[en] dach dece(m)br(is)/ a(n)no lxxxii bekint hadde met meer ande(re)n sijne(n) medeplege(re)n/ ten live der voirs(creven) jouffr(ouwe) a(n)nen ende [vacat]/ sone machiels scribaens vier r(ins)g(ulden) lijfpen(sien) Behalve(n) dat/ de voirs(creven) gheert en(de) jouffr(ouwe) anne die doen [tsame(n)] saten in/ vollen stoele van huwelijke ende niet gedivorceert/ hue(r) heffen hebbe(n) souden inde selve vier r(ins)g(ulden) ende nae/ hue(r) doot soude dan yerst heffen de voirs(creven) [vacat]/ scribaens Ende dat dair nae opten xvii[en] dach maii a(n)no/ lxxxiii deselve jan andries voir ende eer de voirs(creven) gheert/ ende sijn huysvr(ouwe) van malcande(re)n wa(r)en gedivorceert/ aen den selven gheert die alsdoen was hue(r) man ende/ mo(m)boir hadde afgequeten de twee r(ins)g(ulden) vande(n) voirs(creven)
//
vier r(ins)g(ulden) lijfpen(sien) gelijc hij dat met eender quitan(cie)/ voir scepen(en) van loeven(e) gepasseert die aldair gelesen/ wairt dede blijken Seggen(de) voirt dat hij huer te meer/ stonden hadde gep(rese)nteert ende alnoch p(rese)nteerde te betalen(e)/ de twee rinsgulden behalve(n) dat sij hem vande(n) twee/ r(ins)g(ulden) bij hem afgequeten hadde willen laten ongemoyt/ sustine(re)nde dat sij dair mede sculd(ich) wa(r)e te vreden/ te zijne te voirde(r) want de voirs(creven) gheert te dien tijde/ was hue(r) man ende mo(m)boir Dair tegen de voirs(creven) jouffr(ouwe)/ replice(re)nde dede seggen dat de voirs(creven) gheert des gheen/ macht en hadde want inden brief vande(n) voirs(creven) iiii r(ins)g(ulden)/ bevorwert was hoe wel de voirs(creven) gheert en(de) sijn huysvr(ouwe)/ hue(r) voirheffen dair inne hadden dat in alsoe verre de/ voirs(creven) rinte afgeleet wordde datmen de pe(n)ni(n)g(en) ter/ selver natue(re)n wederom aenleggen soude tot behoef des/ voirs(creven) [vacat] scribaens dwelc niet gebuert en was/ Oic wa(re)n inder divortien huer toegevuecht alle hue(r)/ goeden ende rinten van huer(er) zijden gecome(n) ende d(air)nae/ was oic in eene(n) tractate voir scepen(en) gepasseert bevorwert/ dat hue(r) alle hue(r) goede blive(n) ende volgen soude(n) sonder/ dat de voirs(creven) gheert huer dair inne e(n)nich belet doen soude/ p(er)siste(re)nde mits dien in huer(er) voirs(creven) conclusien dat de voirs(creven)/ jan de geheel iiii r(ins)g(ulden) sculd(ich) soude sijn opteleggen(e)/ Dair tegen de voirs(creven) jan duplice(re)nde dede seggen dat/ de divortie ende oic tvoirs(creven) contract beyde geschiet ende/ gepasseert wa(r)en naeder quitan(cien) alsoemen dat bevi(n)de(n) soude/ bijden inhouden der selver sustine(re)nde mits dien dat tghene/ des voe(r) dair aff bij gheerde geschiet wa(r)e van weerden/ blive(n) soude alsoe verre alst huer(er) tocht aenginge ende soe/ verre het aenginge den voirs(creven) [vacat] scribaens voir/ den toecomen(de) tijt in gevalle hij lange(r) leefde dan de/ voirs(creven) jouffr(ouwe) anne p(rese)nteerde de voirs(creven) gheert d(air) voe(r)/ alsulk(er) vestich(eit) te doen(e) ende te setten(e) nae des(er) stad recht/ dat de voirs(creven) [vacat] scribaen dair inne besorcht soude/ wesen met meer woirden (et)c(etera) Es bij scepen(en) va(n) loeven(e)/ ter maniss(en) smeyers gewijst met vo(n)nisse soe verre de/ voirs(creven) gheert voldoet de p(rese)ntatie bij hem gep(rese)nteert
//
dat de voirs(creven) jouffr(ouwe) vanden twee r(ins)g(ulden) bij janne/ andries afgequeten es verdoelt soe verre het hue(r) aengaet/ In scampno p(rese)nt(ibus) om(n)ibus dempt(o) vynck nove(m)br(is)/ xv