Cond zij alle(n) lieden dat arnt van rode in p(rese)ntia/ heeft genome(n) ende bekint genome(n) te hebben(e) tegen/ ja(n)nese coels alse p(ro)cur(eur) adriaens verheylwig(en) rintm(eeste)r/ ons(es) gened(ichs) hee(re)n inder stad van loeven(e) sesse boende(re)n/ lants geleg(en) in diverse p(ar)ceelen inde prochie van/ opvelpe die de voirs(creven) adriaen teg(en) den voirs(creven)/ arnde voirtijden vercregen heeft Te houden ende/ te hebbe(n) van half merte lestleden eene(n) t(er)mijn van/ zesse ja(r)en lang due(re)nde deen nae dander sonder/ middel vervolgen(de) elcx jairs d(air)enbynne(n) om ende/ voe(r) acht mudden rogs en(de) een mudde tarwen pag(abilis)/ cu(m) va(n)no mensu(r)e lovan(iensis) alle ja(r)e s(int) andriesmisse/ ap(oste)ls te betalen(e) ende te loeven(e) te leve(re)n quol(ibe)t ass(ecutu)[m]/ Met cond(ici)[en] ende vorweerden dat de voirs(creven) wynne/ de voirs(creven) lande wel ende loflijc sal wynne(n) en(de) werve(n)/ gelijc regenot(en) bove(n) ende beneden ende die laten/ tsijne(n) afscheyden(e) te weten(e) tderdel met wynt(er)coren(en)/ besayt op sijn getidige voren tderdel stortte ende/ tderdel brake It(em) es vorweerde soe verre de voirs(creven)/ wynne e(n)nige schade lede va(n) hagelslage te(m)peeste oft/ orloge d(air) af sal hij afslach hebbe(n) ter redelijker wijs/ gelijc sijn gebue(re)n Ende alle des vorweerde(n) (et)c(etera) cor(am)/ berghe h(er)meys nove(m)br(is) xxviii