Alsoe als ten vervolge willems van lele alse p(ro)cur(eur)/ hee(re)n en(de) meest(ere)n jans van cruyni(n)g(en) geleyt zijnde nae/ den rechte van des(er) stad voir sijn wettich gebreck/ uuyt crachte van scepen(en) brieve(n) van loeven(e) tot allen/ den goeden beyde have ende erve onder den ande(re)n/ wout(er)s cretsairts jans srintmeest(er)s goirts wijlen/ quistwate(re) en(de) jans vande(n) berghe soe wair die/ gelegen sijn Met brieve(n) van des(er) stad gescreve(n) es/ geweest aen den meye(r) van s(in)t aechten rode oft zijne(n)/ stadhoude(r) en(de) versocht zee(r) ernstelijck hem alle de/ goede der voirs(creven) p(er)soene(n) te leve(re)n ende te doen volgen
//
oft den bringer der voirs(creven) brieve(n) in zijne(n) name/ ende den voirs(creven) woute(re)n sijnd(er)e(n) huysvr(ouwe) wynne/ janne srintmeest(er)s der huysvr(ouwe) svoirs(creven) goirts en(de)/ janne vanden berghe oft sij hen teg(en) de voirs(creven) leveri(n)ge/ hadden willen oppone(re)n dach van rechte op heden/ dienen(de) alh(ier) te compare(re)n inde banck voir meye(r) en(de)/ scepen(en) van loeven(e) te bescheyden Aldair sij noch p(ro)cur(eur)/ van hue(re)n wegen niet en sijn gecompareert den/ voirs(creven) geleydden compare(re)nde ende trecht voirts versueken(de)/ soe verre dat scepen(en) van loeven(e) ter maniss(en) smeyers/ gewesen hebbe(n) met vo(n)nisse nae dat hen behoirlijck/ gebleken heeft bij cleerniss(en) wout(er)s van boenrode/ des(er) stad bode te voet die cleerde bij sijne(n) eede/ dat hem de diene(r) smeyers va(n) s(in)t aechte(n)rode dexecutie/ van des(er) gedaen en(de) p(ar)tie(n) dachbesch(eyden) hadde nae/ inhoudt sbriefs datme(n) den voirs(creven) geleydden vand(en)/ voirs(creven) goeden houden soude inde macht van sijne(n)/ scepen(en) brieve(n) soe verre het noch voir hen scepen(en)/ come(n) was eisd(em)