Alsoe als ten vervolge h(er) en(de) meest(er) jans henry/ inde(n) name van hem en(de) alse p(ro)cur(eur) van sijne(n) brued(er)/ en(de) suste(re)n geleyt zijnde nae des(er) stad recht voir/ sijn wettich gebreck uut crachte van scepen(en) brieve(n) van/ loeven(e) tot alle(n) den goede(n) beyde have ende erve jehan/ dit le favetrop soe wair die gelege(n) sijn Met brieve(n)/ van des(er) stad gescreve(n) es geweest aen den meye(r)/ van melain oft zijne(n) stadhoude(r) [en(de) versocht zee(r) ernstelijc] hem alle de goede/ te leve(re)n ende te doen volgen oft den bringer ons(en)
//
voirs(creven) brieve(n) in zijne(n) name ende den selve(n) janne/ favetrop oft hij dair teg(en) hadde willen oppone(re)n dach/ van rechte op heden dienen(de) alh(ier) te compare(re)n inde/ banck voir meye(r) ende scepen(en) van loeven(e) te besch(eyden)/ tot welke(n) daghe hij noch p(ro)cur(eur) van sijne(n) weg(en) niet/ en es gecompareert den voirs(creven) geleydden compare(re)nde/ ende trecht voirts versueken(de) soe verre dat/ scepen(en) van loeven(e) ter maniss(en) smeyers gewese(n) hebbe(n)/ met vo(n)nisse nae dat hen behoirlijck gebleke(n) was/ bij cleerniss(e) cornel(ijs) reyns des(er) stad bode te voet die/ cleerde bij zijne(n) eede dat hem de meye(r) va(n) meilhem/ dexecutie en(de) leveri(n)ge nae inhoudt sbriefs en(de)/ dachbesch(eyden) gedaen hadde datme(n) den voirs(creven) geleydde(n)/ vanden voirs(creven) goeden houden soude inde macht van/ sijne(n) scepen(en) brieve(n) soe verre het noch voir hen/ scepen(en) come(n) was eisd(em)