Aldair gecomen sijn voir den raide vander stad/ peeter van scuttenputte ende willem de welde als/ gesworen(en) vande(n) droechscheerders ambacht bynne(n) des(er)/ stad ter eender zijden peeter vander beken oic droechscheerde(r)/ ende met hem een jonghe geh(eten) arnt Seyden de/ voirs(creven) gesworen(en) exhiberen(de) hue(r) rolle dat soe wel/ gheen leercnape vanden voirs(creven) ambachte noch van/ gheene(n) ande(re)n en mochte bynne(n) den tijde sijnre leering(en)/ ergens oft yemande wercken dair aff sijn meester/ oft hij e(n)nigen loon oft goet doen soude trecken/ sulken proffijt en soude come(n) tot gemeyne(n) orboe(re)/ vanden ambachte alsoe dat altijt h(er)bracht ende/ gecostumeert was Dat nochtan bijden voirs(creven) peeter/ en(de) sijne(n) leercnape de (contra)rie attempte(re)nde gedae(n) was/ ende hadde de selve leercnape in divers(en) huysen/ gewracht ende de voirs(creven) peeter de proffijten/ getogen hopen(de) dat zij dat souden gehouden sijn/ opte leggen ten orboe(re) als voe(r) de voirs(creven) peeter/ en(de) arnt genoech dattemptaet bekinnen(de) antwerden/ dat zij dair aen niet en meynden te mesdoene/ Es get(er)mineert dat de verweerders sculd(ich) sulle(n)/ sijn den voirs(creven) gesworen(en) tot orboe(re) vande(n) gemeyne(n)/ ambachte optelegge(n) tghene des bij e(n)nig(en) van/ hen bij reden(en) voirs(creven) opgehave(n) es In (con)s(ili)[o] aug(usti) ii