Villicus lovanien(sis) median(tibus) scabinis lovan(iensibus)/ adduxit d(omin)um daniele(m) de montenake(n) procuratore(m)/ monasterii de naen ad omnia et singula bona/ i(m)mobilia et hereditaria judoci de boesmans quocu(m)q(ue)/ nomi(n)e censeantur ac ubicu(m)q(ue) locor(um) sit(a) consistu(n)t/ pro cert(is) co(n)vention(ibus) et promission(ibus) conscript(is) in/ l(itte)ris scabinor(um) lovan(iensium) quaru(m) tenor sequitur in/ hec verba Condt zij allen lieden dat joes boesmans/ zoone wijlen gheerts woenen(de) te beausart in tege/ woirdicheide(n) der scepen(en) van loeven(en) gestaen heeft/ genome(n) ende bekint genomen te hebbe(n) van/ hee(re)n daniele van montenake(n) prieste(r) al(ia)s procur(ator)/ des goidshuys van naen thof en(de) de goede van/ beausart den voirs(creven) goidshuyse toebehoiren(de) gelege(n)/ inde prochie van bossuyt metten huysen/ hove(n) wynnen(de) lande(n) bosschen beempde(n) eeussele(n)/ chijsen rinte(n) pachten en(de) allen ande(re)n toebehoirte(n)/ gelijcker wijs de voirs(creven) wijlen gheert die tot noch/ toe gehouden heeft uutgenome(n) thuys te loeven(en)/ metten chijse dair toe behoiren(de) Te houden te/ hebbe(n) ende te wynnen van halfmerte dat zijn/ sal int jaer vierthienhondert twee en(de) negentich/ naistcomen(de) eenen t(er)mijn van twelf jae(re)n/ lanck zonder middel vervolgen(de) Elcx jairs/ van dien om en(de) voe(r) hondert leeuwe der mu(n)ten/ ts(er)togen van boirg(oign)en en(de) van brabant Te/ weten(e) sessendertich stuv(er)s voe(r) elck der voirs(creven)/ leeuwe gerekent en(de) drie pl(a)c(ken) brabants payme(n)ts/ voe(r) elcken der voirs(creven) stuv(er)s alle jae(re) te betalen/ tvierdel dair af talder heylighemisse tvierdel/ dair af te kersmisse tvierdel dair af te paesschen/ en(de) dleste vierdel tsintjansmisse baptisten en(de)/ inden wissel te loeven(en) te leve(re)n mijne(n) hee(re)/ den abt den prior oft ande(re)n des goidshuys/ gemechtichden den voirs(creven) t(er)mijn due(re)nde ende/ telcken t(er)mijne als vervolghde schout Item/ sal oic de voirs(creven) wynne alle jae(r) zijn [zine(n) voirs(creven)] t(er)mijn/ due(re)nde onsen gened(ichen) hee(re) ende de zijne wel/ en(de) wettelijck vernueghe(n) van allen alsulcken/ lasten carweyden van houden scattinge(n) beden/ ghiften en(de) allen ande(re)n costen en(de) exactien/ die de voirs(creven) goede sculdich zijn oft die aldair
//
bynnen den voirs(creven) t(er)mijne toecome(n) mochte(n) alzoe/ dat den voirs(creven) goidshuyse dair af gheenen/ last en come ende algader sonder afslach vand(en)/ principaelder so(m)men voirs(creven) Item sal oick de/ voirs(creven) wynne voe(r) tvoirs(creven) goidshuys moeten/ halen alle tsout ende haringe(n) die voirs(creven)/ goidshuys behoeven sal het zij te loeven(en)/ te mechelen oft te bruessele dair de procur(ator)/ voirs(creven) hem die coopen sal en(de) die leve(re)n op/ zijnen cost int voirs(creven) goidsh(uys) los en(de) vry/ van allen ongelde Item sal de voirs(creven) wynne/ alle de voirs(creven) goede te zijne(n) afscheyden laten gelijck/ en(de) alsoe de voirs(creven) wijlen g(er)t die aenveert/ heeft tsijne(n) inneco(m)men Te weten(e) den art ter zijde(n)/ vand(en) co(m)men neven den wech van geldenaken/ en(de) de lande vand(en) kiesen wel en(de) loflijck gewonne(n)/ op vier getijdige voren te weten seven boend(er) dair/ af besayt met tarwen seven boend(er) met spelte(n)/ en(de) dande(r) algad(er) met rogge en(de) al met goeden droegen/ sade Item de helicht vanden somerarde eens o(m)me/ gedaen en(de) de brake algade(r) eens geackert Item sal/ de voirs(creven) wynne allet de bossche vand(en) voirs(creven) hout/ stroe vand(en) voirs(creven) goeden jairlijcx comen(de) int voirs(creven)/ hof bringe(n) en(de) dat aldair etten met zijne(n) beesten en(de)/ te meste make(n) en(de) alle dmest opde goede voirs(creven) vuere(n)/ tslants meest alsoe wel ten veersten als ten naesten/ en(de) ten uutgane vand(en) voirs(creven) t(er)mijne sal hij dmest/ voe(r) den p(er)stal en(de) die sceperie algade(r) uutvuere(n)/ opde voirs(creven) lande alsoe dat de mesthove bloet blijve(n)/ Item sal de voirs(creven) wynne alle de bossche vand(en)/ voirs(creven) hove bynne(n) zijne(n) t(er)mijne voirs(creven) houwen/ een al over alsoe men dat gewoenlijc es van doene/ alsoe [verre] als de voirs(creven) wijlen g(er)t alnoch sculdich was/ te houwe(n) en(de) niet voirde(r) Item sal de voirs(creven) wynne/ die houwe hueden drie jair lang datt(er) gheen schade/ en geschiede en(de) oft dair e(n)nige schade geschiede/ es voirweerde dat de wynne die den goidshuyse/ oprichte(n) sal ten seggen van goeden ma(n)nen eert/ wynne(n) hen des verstaen(de) Item sal de voirs(creven) wynne/ de schameyen houden in goede(n) state en(de) aldair
//
planten en(de) setten willegen popelie(re)n en(de) ande(re) plante(n) en(de)/ die goede jairlijcx beheymen opheffen en(de) begrichten allo(m)me/ daers behoeven sal ten tijde en(de) t(er)mijne soe dat behoirt/ Item sal de voirs(creven) wynne alle de huysinge kerck en(de)/ moele(n) ende waderloepe alsoe verre dat den hove toebehoirt/ te doene houden wel en(de) loflijck van absoniu(m) bijsextijl/ en(de) allen ande(re)n lasten en(de) dat alsoe laten tzijne(n) afscheyden/ wel gerepareert gelijck de voirs(creven) wijlen g(er)t tsijne(n) aencome(n)/ zijn gelevert Item waert dat zake dat bynnen den hove/ ende goeden voirs(creven) e(n)nige scade geschiede van viere en(de)/ dat bij quame uuyt sake en(de) ocsuyne des voirs(creven) joes/ oft zijns huysgesins alle de schade sal de voirs(creven) joes sculdich/ zijn op te richten Item sal de voirs(creven) joes tusschen dit/ en(de) half augusto naistcomen(de) moete(n) moete(n) maken/ ende rep(ar)eren alle de huysingen den voirs(creven) hove/ toebehoiren(de) van wande en(de) van daken op zijne(n)/ cost en van dan voirtane wel en(de) loflijck houden/ op zijne(n) cost zijne(n) t(er)mijn due(re)nde ende soe verre/ de voirs(creven) joes de selve rep(ar)acien niet en dade make(n)/ soe mach mijn hee(re) dabt voirs(creven) aldair zij [voir] zinden/ eenen man te p(er)de die de voirs(creven) rep(ar)acien sal doen/ maken op cost des voirs(creven) joes welck man te/ p(er)de de voirs(creven) joes sculdich sal zijn te geven alle/ dage voir zijne(n) cost acht stuv(er)s zoe lange en(de)/ tot aen der tijt toe dat de selve r(e)p(ar)acien voldaen/ sullen wesen Item de voirs(creven) wynne sal sculdich/ zijn jairlijcx te leve(re)n thien hondert walms en(de)/ niet min Item es voirweerde dat de voirs(creven) joes/ sculdich sal zijn op zijne(n) last te ontfane alle p(er)sone/ aldair lijden(de) en(de) hen te geve(n) en(de) te distribue(re)n in ald(er)/ vuege(n) en(de) manie(re)n men dat altijt geplogen heeft en(de)/ den goeden en(de) hove toebehoirt ende oft dair mijn/ hee(re) den abt gelieft te come(n) oft te sinde(n) zoe sal de voirs(creven)/ joes hem en(de) de zijne moete(n) ontfaen en(de) administre(re)n/ des hen behoeve(n) sal uuytgescheide(n) den wyn dair/ inne en(de) sal de wynne niet gehouden zijn en(de) waert/ dat mij(n) hee(re) oft de zijne dair lang(er) daige(n) lagen/ dan drie daige en sal hij niet gehouden zijn hen yet/ te geven mair oft e(n)nige schade hem toequame van/ tempeeste oft gemeyne(n) orloge zoe es vorweerde dat/ me(n) hem dair af rastoer doen sal gelijck ande(re) hee(re)n/ en(de) prelaten hue(re)n wynnen doen selen Item wairt
//
dat e(n)nige buyte(n) goeden quamen te verpachte(n) en(de) uuyt/ te geve(n) in pechtinge(n) die sal de voirs(creven) joes moege(n) uuytgeve(n)/ zeke(re) t(er)mijne alsoe dat gewoenlijck es mair duytgeven/ van dien en sal hij niet gehouden zijn moege(n) myndere(n)/ dant gegouwen heeft zonder consent des abts voirs(creven) en(de)/ hij en mach gheen goede uuytgeve(n) bove(n) zijne(n) t(er)mijne/ Item oft gebuerde dat de voirs(creven) joes tenig(er) tijt in/ gebreke wae(re) van betalinge(n) in e(n)nig(en) der voirs(creven) payme(n)te(n)/ in al oft in deel en(de) mijn hee(re) oft e(n)nige [yemant] van zijne(n)/ wege(n) des gemechticht aldair dair om quame en(de)/ gheen betalinge en conste gecrigen dat elck vanden/ ghenen dair o(m)me co(m)mende te p(er)de opden voirs(creven)/ wynne sal reken(en) en(de) heffen alsoe lange dat/ gebreck duerde acht stuv(er)s daichs sonder afslach/ der so(m)men voirs(creven) Item is voirweerde dat de voirs(creven)/ wynne de voirs(creven) goede noch gheen van dien uutgeve(n)/ en sal moegen nyemande van zijnder hant om/ ghichte(n) vuede oft anderssins ten zij bij wille ende/ consente des hee(re)n abts en(de) convents des goidshuys/ voirscr(even) Item sal de voirs(creven) joes tsijne(n) leste(n) jae(r)/ moege(n) ontvrechte(n) en(de) te hemwert behoude(n) den groote(n)/ hof achter die groote schuere sonder [d(air)] af yet te geven/ Item sal mijn hee(re) dabt den voirs(creven) joese alle jaire/ geve(n) een tabbart laken Item hier nae volgen/ de preste(n) die mijn hee(re) den voirs(creven) wijlen gheerde gedaen/ heeft tzijne(n) income(n) getaxteert als h(ier)nae v(er)cleert/ steet Inden iersten vijf coyen elck voe(r) vijf lichte/ guld(en) maken(de) tsamen vive(n)twintich lichte gulden(en)/ Item sesse calvere(n) tsame(n) voir sestien lichte gulden(en)/ Item vier p(er)de totte(n) groote(n) wagen(e) mette(n) toebehoirte(n)/ tsamen om sessendertich rinsschegulden(en) Item sesse/ p(er)de totten cleyne(n) wagen(e) metten toebehoirte(n) tsame(n)/ om vie(r)entwintch rinschegulden(en) Item viere/ voelene tsamen om tweelf en(de) een halven rins/ schegulden(en) Item vie(r)endertich vercken(en) dair/ onder zijn selen vier soegen en(de) seven cleyn/ cuddekens tsamen om negen rinsgulden(en) Item/ sesse pluege(n) vier eegden metten yseren keten(en)/ drie wagen(en) metten lederen en(de) twe kerren
//
mede te merghele(n) tsamen om achthien rinsscheguld(en)/ loopen(de) tsamen hondert twintich rinsscheguld(en)/ de welcke de voirs(creven) joes wederkeren sal ten uuytgaen(e)/ van zijne(n) t(er)mijne in gelde of in gelijke haven/ alsoe goet zijnde ten prijse van goede ma(n)nen/ hen des verstaen(de) Item sijn den voirs(creven) wijlen/ gheerde ten aencome(n) van zijne(n) t(er)mijnen geleent/ de p(er)cheelen hier nae volgen(de) Inden iersten vier/ entwintich pet(er)s thien mudde even(en) thien mudde/ corens lovens en(de) vie(r)entwintich mudde even(en)/ de welke hij wederkeere(n) sal ter manissen des procur(eur)s/ voirs(creven) Item sijn noch den voirs(creven) wijlen gheerde/ geleent geweest acht hondert vijftich schoeve stroes/ van coerne vijf hondert en(de) vijftich schoeve even(en)/ stroes Item hondert groote ende hondert ende vive(n)/ twintich cleyne busselen hoys Item vierhondert/ en(de) vive(n)twintich schoeve erwette(n) metter vrucht/ Item sesse hondert schoeve crucken alsoe men/ die te beausart plach te maken Item noch vier/ voeder hoys dwelc de voirs(creven) joes algader weder/ geven sal ten afscheide(n) van zijne(n) t(er)mijne Item/ sal de voirs(creven) wynne alle jae(re) den voirs(creven) t(er)mijn/ due(re)nde leve(re)n int hof te loeven(en) een goet voeder/ hoys op zijne(n) cost Item sal oic de voirs(creven) wynne/ ter manissen des voirs(creven) procur(eur)s ter meerder/ sekerheit van voldoen(e) voldoeni(n)gen des inhoudens/ van des(er) pechti(n)gen en(de) alle der pointe(n) dair inne/ begrepen den selven goidshuyse ter plaetsen/ dair en(de) alsoe dat behoiren sal moege(n) oft den/ procur(ator) desselfs goidshuys inden name als voe(r)/ bevestigen en(de) goeden in twelf mudde corens/ erfpachts op zijne(n) cost alsoe dat tvoirs(creven) goidsh(uys)/ te vreden sal moegen [wesen] en(de) dair aen alle dinhout/ voirscr(even) verhalen en(de) verreycken en(de) niet/ voirde(r) Item es voirweerde dat de voirs(creven) joes/ vernyewen en(de) maken sal op zijnen cost/ tusschen dit en(de) halfvasten(en) naistcomen(de) de/ registre(re)n van allen den chijsen en(de) pachten/ die tvoirs(creven) goidsh(uys) jairlijcx heeft en(de) heffen(de)
//
es te beausart ende dair omtrindt Item [es] noch/ ondersproken en(de) bevorweert oft soe gebuerde/ dat de voirs(creven) joes aflivich wordde voe(r) duytgaen/ vanden voirs(creven) t(er)mijn en(de) dat zijn huysvr(ouwe)/ de voirs(creven) goede behouden woude zoe sal zij/ moete(n) setten alsulck(en) goede(n) loflijcke(n) sekerh(eit)/ oft bortocht het zij van goeden borge(n) oft erfpande(n)/ dat tvoirs(creven) goidsh(uys) d(air)mede te vreden sal moege(n)/ wesen en(de) dinhout vand(er) selv(er) pechtinge(n)/ dair aen verhalen Item es noch meer bevor/ weert dat de voirs(creven) joes sculdich sal zijn/ op zijne(n) cost alle jaire te leve(re)n te loeven(en)/ inder h(er)berghe tvoirs(creven) goidsh(uys) een voeder/ wishouts en(de) een voeder mutsaerts zonder/ afslach des voirs(creven) steet Ende alle dese/ vorweerde(n) condicie(n) en(de) geluften voirscr(even) heeft/ de voirs(creven) joes den voirs(creven) hee(re)n daniele inden/ name als voe(r) gelooft goet vast gestentich/ en(de) van weerden te houden en(de) te voldoen(e)/ talle tijde en(de) termijne(n) als die valle(n) ende/ verschijne(n) sullen en(de) telcken t(er)mijne als/ vervolghde schout hier waren over goirdt/ vanden berghe en(de) arndt vynck scepen(en)/ te loeven(en) gedaen int jair ons hee(re)n/ duysent veerhondert vive en(de) tachtentich/ opden tweesten dach der maent van dece(m)bri/ Et h(ab)uit querelas hiis int(er)fueru(n)t [vacat]/ maii undecima