Allen den ghenen (et)c(etera) doen condt dat op/ heden voir ons gecompareert es willem/ van assche lieuten(ant) hee(re)n lod(ewijck) pynnocx ridders/ meyers van loven(en) ende heeft geconstitueert/ volcome(n) macht procur(atie) en(de) auct(oriteyt) gegeve(n)/ jouffr(ouwe) marie(n) selievers wed(uwe) jans wijlen van/ assche zijnder moeder om in zijne name en(de)/ alsoe verre alst hem zijne(n) p(ar)te en(de) gedeelte/ aengaet adriaen(en) van droege(n)broeck nut(er)tijt/ borgemeest(er) der stad van bruessel behoirlike guedi(n)ge/ en(de) vestich(eit) te doen(e) van alsulcker rinte(n) als/ zij met hem ov(er)comen es en(de) die zij hem gelooft en(de)/ toegeseecht mach hebben hem te bevestige(n) en(de) te/ bewijsen(e) op seke(re) goede gelege(n) tassche oft dair o(m)tri(n)t/ approbe(re)nde en(de) ratifice(re)nde mits desen allet/ gene des dair af bijder selver zijnder moeder/ zijne(n) bruede(re)n en(de) suste(re)n gedaen es oft gedaen sal/ wordden Geloven(de) goet vast v gestentich en(de) van/ weerde(n) te houden(e) allet gene die alsoe bij hen gedaen/ sal wordden sonder wederroepe(n) en(de) den selve(n) adriane/ ne(m)mermeer stoot letsel oft impedime(n)t dair tege(n)/ te doen(e) En(de) dat hij voirt den selve(n) adriane/ tot zijnder manissen voirde(r) guedi(n)ge en(de) vestich(eit)/ van zijne(n) p(ar)te en(de) gedeelte van dien doen sal het/ zij voir hof en(de) hee(r) oft dair hij des bege(re)n en(de) v(er)sueke(n)/ sal en(de) hem dair af altijt genoech te doen(e) alsoe dat/ he(m) zijne(n) erve(n) en(de) naec(omelingen) genoech en(de) vast sal moege(n)/ zijn tot ewige(n) dage(n) cor(am) g(ra)ven buetsele ja(nua)[rii] xix