Aldair gecompareert sijn voir den raide vander stad/ meest(ere)n gielijs heyme prieste(r) ende berthelmeeus de ruyssche/ ter eender zijden ende claes van wynghe ter ande(r) om/ een dagement dat de voirs(creven) claes inden name va(n) hem/ selven ende inden name van zijne(n) suste(re)n heeft gedaen/ opde helicht van eene(n) wynhove mette(n) huys(en) hove(n) bog(ar)den/ landen ende ande(re)n toebehoirten gelegen te vaelbeke opt/ sandeken toebehoiren(de) eender jonger weesen geheete(n) henneke(n)/ de m(un)te(re) welke goeden de voirs(creven) meeste(re)n hen beduchte(n)/ dat de voirs(creven) claes inden name als voe(r) uutwynnen/ soude ende der jonger weesen alsoe van zijnder/ erflijch(eit) prive(re)n die onder hue(re) dagen is nochtan dat/ de oude moeder des voirs(creven) weesen ende de vader des/ voirs(creven) claes waren brueder ende suster op dat bijden/ voirs(creven) rade dair op niet en wordde versien dwelc/ sij beg(er)den met oic besorge van mo(m)boren der voirs(creven) / weesen dair toe de voirs(creven) claes ende zijne suste(re)n/ de naeste van bloede sijn Es getermineert ende bijden/ voirs(creven) rade uutgesproken nae vele alt(er)catien bijden/ voirs(creven) p(ar)tien dair op gehadt dat de voirs(creven) claes/ inden name als voe(r) de voirs(creven) goeden met sijnder begonnender/ p(ro)cedue(re)n soude moegen uutwinne(n) Op conditie naevolgen(de)/ dair inne de selve claes consenteerde dat tselve uutwinne(n)/ der voirs(creven) weesen gheen p(re)judijs en soude dragen voe(r)/ den toecomen(de) tijt ende dat den selve(n) uutwinne(n) oft/ uutdagen niet tegenstaen(de) der voirs(creven) weesen hae(re)/ goeden voirs(creven) volgen souden Behalve(n) dat de voirs(creven)/ claes inden name als voe(r) dair aen sal moege(n) verhale(n)/ tgedeelte der selver weesen van pachte coste ende co(m)me(r)/ dat voirts de voirs(creven) weese sal wordden geregeert/ bij mo(m)boe(re)n dair toe den voirs(creven) raidt heeft genoemt/ geordineert ende geco(m)mitteert vande(n) magen den voirs(creven) / m(eester) bert(elmeeuse) ende clase die van hue(re)n bewinde sulle(n)/ moete(n) doen rekeni(n)ge ende bewijs voir m(eester) reyne(re)n van
//
liefkenrode ende peete(re)n vander hoeven als overmo(m)boe(re)n/ Voir de welke oic men sal moete(n) doen rekeni(n)ge ende/ bewijs vand(en) admi(ni)stratien der voirs(creven) weesen tot des(er)/ dage toe bijden ghenen die die admi(ni)stratie hebben/ gehadt in pleno (con)s(ili)[o] julii xiiii