Alsoe als ten vervolge willems van lele als procur(ator)/ vand(en) kinde(re)n willems wijlen maes geleydt zijnde/ nae des(er) stad recht voir hun wettich gebreck uut/ crachte van scepen(en) brieve(n) van loeven(en) tot allen den/ goede(n) beyde have en(de) erve jans wijlen thomaes/ van gheele soe wair die gelegen sijn met brieve(n) van/ des(er) stad gescreven is geweest aen allen officie(re)n/ en(de) versocht zee(r) ernstelijck alle de goede des voirs(creven)/ wijlen thomaes te leve(re)n en(de) te doen volgen den voirs(creven)/ geleydden oft den bringe(r) ons(er) brieve(n) in zijne(n) name/ Ende ja(n)ne en(de) thomaese van gheele gebruede(re)n/ kinde(re)n des vors(creven) wijlen jans oft hue(r) wynnen/ oft huerlinge(n) oft zij hen dair tegen hadden wille(n)/ oppone(re)n dach op [van] rechte op heden dienen(de) alh(ier) te compare(re)n/ inde banck voir meye(r) en(de) scepen(en) van loeven(en) te/ bescheidde(n) Aldair gheen van hen noch procur(ator) van/ hu(n)nen wege en es gecompareert den voirs(creven) geleidde(n)/ compare(re)nde en(de) trecht voirts versueken(de) Soe verre/ dat scepen(en) van loeven(en) ter manissen smeyers/ gewesen hebben met vo(n)nisse nae dien hen behoirlijc/ gebleken heeft bij rescripte des meyers van halen/ die onder zijn hanteken gecertificeert heeft de/ voirs(creven) leveri(n)ge en(de) dach bescheidinge behoirlijck/ geschiet te zijne dat men den voirs(creven) geleydde(n)/ vand(en) voirs(creven) goeden houden sal inde macht van/ zijne scepen(en) brieve(n) soe verre het noch voir hen/ scepen(en) comen is In scampno Eisd(em)