Cond zij allen lieden dat jan vand(en)goeden huyse/ in p(rese)ncia heeft genomen tegen jouffr(ouwe) ramp(ar)ts haer/ wynhof gelegen te kiesekem mette(n) lande beempde(n)/ en(de) eeusselen eene(n) t(er)mijn van negen jae(re)n lang op
//
van half m(er)te naistcomen(de) eenen t(er)mijn van neghen/ jaer lang due(re)nde deen nae dande(r) sond(er) middel/verlvo vervolgen(de) elcx jairs dae(re)nbynnen te/ weten(e) de voirs(creven) landen om en(de) voe(r) de helicht/ vand(en) vruchten dair af comen(de) En(de) de beempden en(de)/ eusselen om en(de) voe(r) vierthien rinsgulden(en) des/ sal totten beempde(n) vand(en) hove volgen een boender/ beempts gelegen onder wynghe opde beke op de/ condicie(n) en(de) voirweerde(n) hier nae bescreve(n) Te/ weten(e) yerst dat de voirs(creven) wyn dit hof en(de) landen/ wi(n)nen werve(n) wel en(de) loflijc sal te wetene dwinter/ coren ten minsten sesse boender winter corens wel/ en(de) loflijc gemest op sijn getiden voren Item inden/ oeghst als tcoren rijpe es sal de wyn sculdich/ sijn dat te doen picken en(de) velle(n) op sijnen cost/ en(de) als men bijnt oft inne voert dan sal de voirs(creven)/ jouffr(ouwe) ramp(ar)ts haren cnape oft maerte seynden om/ helpen te binden en(de) in te doene en(de) dien sal de/ wyn sculdich sijn den montcost te geven(e) Item/ noch es condicie en(de) voirweerde dat de voirs(creven)/ wyn jairlijcx allet dmest vand(en) voirs(creven) hove en(de)/ int voirs(creven) hof wesen(de) sal vuere(n) op die lande vand(en)/ voirs(creven) hove Ende voirts dmest datter noch meer/ behoeven sal dat sal de voirs(creven) wyn moete(n) cope(n)/ en(de) halen Ende dat selen sij half en(de) half/ betale(n) het sij duve mest oft ande(r) datmen alder/ best gecrigen sal Des sal de voirs(creven) jouffr(ouwe) dit/ voirs(creven) ierste jaer allet mest datmen behoeven sal boven/ dmest vand(en) hove alleene betale(n) en(de) de wy(n)ne salt moete(n)/ halen en(de) dande(r) jae(re)n voirts altijt half en(de) half Item/ noch est condicie dat de voirs(creven) wyn tgedeelte van hue(re)n/ coren sal moete(n) leve(re)n te loeven(en) oft te diest Item fruyt/ dat op tvoirs(creven) hof wassen sal sulle(n) deylen half en(de) half/ Item noch es condicie dat de voirs(creven) wy(n)ne sal/ hebben alle tru(n)chout aen die wi(n)nede lande staende/ en(de) oic die droghe appel bomen oft die v(er)droege(n) mochte/ des sal hij voir elken droghen boom moete(n) sette(n) een poete/ Item de voirs(creven) wyn sal moeghen halen alsoe vele luexs/ om die beempde(n) te vermake(n) als hij behoeve(n) sal t(er) minster/ scaden Item de wyn en sal ghene(n) sacht hebbe(n) in die/ bossche(n) noch int houtwasse(n) behalve(n) allen die twee condicie(n)/ bove(n) vercleert Item de voirs(creven) wyn sal sculdich sijn naerd(er)/ te halen tott(er) r(e)p(ar)acien vand(en) huysen leem walm en(de) latte(n)
//
en(de) alles des men dair toe behoeve(n) mach Item fo oft soe/ gebuerde dat buyte(n) den oeghste der voirs(creven) jouffr(ouwe) cnape/ dorssche oft anders dair wa(r)e dan sal de wyn den montcost/ gheve(n) en(de) dair voe(r) sal hij hebben alle dage eenen stuv(er)/ Item de voirs(creven) wyn sal sculd(ich) sijn te behoirlijke(n) tijde te/ make(n) alle die h(er)strate en(de) wegen op sijnen last en(de) oec/ die wat(er)leyden en(de) beke(n) rume(n) en(de) vagen dair voe(r) sal/ men hem cortten ten ierste jae(r) aen beempt hue(r) twintich/ stuv(er)s eens voir sijnen arbeyt en(de) vorts sal hijt moeten/ rume(n) alle jae(r) op sijnen cost en(de) last Item noch es condicie/ datmen den voirs(creven) wyn tussche(n) m(er)te en(de) s(in)[t] jans(mis)s[e]/ naistcomen(de) leenen sal twee muden rogs tot broet coren/ en(de) dat sal hij moete(n) betale(n) bi(n)nen sess jae(re)n dair/ nae volgen(de) Item noch salmen den wyn leenen in april/ oic naistcomen(de) allet somer coren dat hij sayen sal en(de)/ dat sal hij moete(n) restitue(re)n bi(n)nen drie jae(re)n alle jae(r) tderdendeel/ Item noch salmen den wyn leenen achte rynsgulden(en) tot/ eene(n) p(eer)de tussche(n) dit en paesschen op de condicie dat/ die wyn op sijnen last dair tegen coopen sal opde selve/ tijt oec een p(eer)t van acht rynsgulden(en) alsoe dat hij/ coepen sal twee p(eer)den van sesthien ryns gulden(en) en(de)/ deen sal de voirs(creven) jouffr(ouwe) ramp(ar)ts verlegge(n) en(de) dat/ sal hij moege(n) betalen bi(n)nen negen jae(re)n te sijnen scoenste(n)/ Item de voirs(creven) wyn op alle v(er)sproken voirweerde(n) aenveerde(n)/ sal als sijn prope(r) goet der voirs(creven) jouffr(ouwe) twee peerden/ en(de) een coeye alsoe die nu int hof sijn en(de) oec den ploech/ eene(n) halve(n) waghen mette(n) gherele(n) en(de) ander getouwen/ als nu d(air) es Item noch es condicie dat die voirs(creven) jouffr(ouwe)/ nnu ter stont copen int voirs(creven) hof xxv hoope stroes den/ hoep van x scoven om sijn beesten mede te houden Item/ des gelijcx te naeste jae(r) oec xxv hoope en voirts/ niet langhe(r) Item de voirs(creven) wyn sal moege(n) sayen in/ die storte sonder meste(n) een dach(mael) pasture(n) en(de) dat sal/ hij alleen(e) trecke(n) Item noch es condicie dat de voirs(creven)/ wyn gheen seggen oft gebruuck hebben vand(en) poerten/ noch oick aen de cleyn came(r) bove(n) del keld(er) dwelc de/ voirs(creven) jouffr(ouwe) houde(n) sal te hare(n) wille en(de) mits allen/ desen condicien en(de) voerweerde(n) soe es condicie dat die/ voirs(creven) wyn ten lesten jae(r) den wint(er) aert geheete(n) coma(n)s hage/ besayt late(n) sal op drie getidige vore(n) wel en(de) loflijc/ gemest te wetene ierst negen dach(mael) op die coma(n)s haghe/ voer henrick broenarts gelege(n) Item noch een stuck/ van drie dach(mael) en(de) een half op tselve velt aen/ beghijne(n) bosch noch een boend(er) acht(er) den vlo(e)berch? oec/ met rogge besayt Item noch (½) dach(mael) opt block