SAL7778, Akte: R°338.2-V°338.1 (665 van 812)
Akte R°338.2-V°338.1
Act
Datum: 1493-04-01
Transcriptie
2019-01-09 door Walter WinnelinckxItem goort van landen(en) jan baerts jan boene/
raes de rijke en(de) anthonijs scoliers als late en(de)/
hee(re)n van vliederbeke in zijnen hove te herent/
in p(rese)ncia hebben getuycht dat baltasar van/
hasendonck als meye(r) des voirs(creven) hee(re)n heeft/
met hen laten voirgenoemt gedaecht op een/
hofstadt met eene(n) blocke dair acht(er) gelegen/
houden(de) omtrint een boend(er) gelegen omtrint der/
kercken van wynxele wijlen toebehoiren(de)/
willem de custe(re) nu der erfgenamen jans wijlen/
stockens tusschen de goede jans vand(er) banck/
op deen de strate op dande(r) en(de) de goede willems/
moens opde derde zijden voir gebreck van twee/
s(chelling) en(de) vier cap(uynen) grontchijs die de selve hee(re)/
dair op eysschen(de) en(de) heffen(de) es nae inhout
//
des chijsboecx en(de) heeft aldair doen voirtroepen/ ende voirtgeroepen de kinde(re) en(de) erfg(enamen) jans/ wijlen stuckens en(de) gorde vekeman hue(r) mo(m)boirs/ en(de) de behoirlike conde d(air) af doen doen aen den/ p(er)soon des voirs(creven) goorts vekeman dair de selve/ kinde(re) woenechtich zijn en(de) oick onder de clocke/ en(de) voirts alle ande(re) hen rechts vermeten(de) mochten/ totte(n) voirs(creven) goede(n) oft zij hem van zijne(n) voirs(creven)/ chijse met coste en(de) co(m)me(r) hadden wille(n) voldoen/ Ende want niemant en quam die den voirs(creven)/ meye(r) tot behoef van zijnen hee(re) voldede heeft/ de selve meye(r) inden name als voe(r) gedaicht ende/ gewacht met rechte deen genechte voe(r) dande(r) tderde/ en(de) vierde van gracien by(n)nen wechten vier genechten/ nyeman(ne) gecompareert en es den voirs(creven) meye(r) inden/ name als voe(r) compare(re)nde en(de) trecht voirt/ versueken(de) Soe dat wij laten ter manissen des voirs(creven)/ meyers hebben gewesen met vo(n)nisse alle die jonghe(r)/ zijn dan de voirs(creven) hee(re) van vliederbeke en(de) met rechte/ es late(n) wete(n) die dair uut en(de) den voirs(creven) meye(r) tot/ behoef des voirs(creven) p(re)laets dair inne Ende want de/ voirs(creven) late(n) gheene(n) p(ro)pe(re)n zegel en hebben hebben zij/ gebeden den scepen(en) van loeven(en) dat zij dit met/ hen tuygen en(de) segelen willen Quod faciu(n)t borch/ boech(out) april(is) p(ri)ma
//
des chijsboecx en(de) heeft aldair doen voirtroepen/ ende voirtgeroepen de kinde(re) en(de) erfg(enamen) jans/ wijlen stuckens en(de) gorde vekeman hue(r) mo(m)boirs/ en(de) de behoirlike conde d(air) af doen doen aen den/ p(er)soon des voirs(creven) goorts vekeman dair de selve/ kinde(re) woenechtich zijn en(de) oick onder de clocke/ en(de) voirts alle ande(re) hen rechts vermeten(de) mochten/ totte(n) voirs(creven) goede(n) oft zij hem van zijne(n) voirs(creven)/ chijse met coste en(de) co(m)me(r) hadden wille(n) voldoen/ Ende want niemant en quam die den voirs(creven)/ meye(r) tot behoef van zijnen hee(re) voldede heeft/ de selve meye(r) inden name als voe(r) gedaicht ende/ gewacht met rechte deen genechte voe(r) dande(r) tderde/ en(de) vierde van gracien by(n)nen wechten vier genechten/ nyeman(ne) gecompareert en es den voirs(creven) meye(r) inden/ name als voe(r) compare(re)nde en(de) trecht voirt/ versueken(de) Soe dat wij laten ter manissen des voirs(creven)/ meyers hebben gewesen met vo(n)nisse alle die jonghe(r)/ zijn dan de voirs(creven) hee(re) van vliederbeke en(de) met rechte/ es late(n) wete(n) die dair uut en(de) den voirs(creven) meye(r) tot/ behoef des voirs(creven) p(re)laets dair inne Ende want de/ voirs(creven) late(n) gheene(n) p(ro)pe(re)n zegel en hebben hebben zij/ gebeden den scepen(en) van loeven(en) dat zij dit met/ hen tuygen en(de) segelen willen Quod faciu(n)t borch/ boech(out) april(is) p(ri)ma
Nagekeken door: Jos Jonckheer
Moderator: Jos Jonckheer
Laatste update:: 2015-10-20 door Jos Jonckheer