SAL7778, Akte: R°340.2-R°341.1 (670 van 812)
Akte R°340.2-R°341.1
Act
Datum: 1493-04-03
Transcriptie
2019-02-14 door Walter WinnelinckxCompare(re)nde voir den rade vand(er) stadt/
arnt van hove nu t(er)tijt borg(er)meest(er) die voir den/
selve(n) raide hadde ontbode(n) goessen(e) ooghe ende/
zijne huysvrouwe ter eenre zijden ende de selve/
gehuysschen gedaichde ter ande(re) Es van wegen/
des voirs(creven) arnts geseet ende verhaelt hoe dat/
onlanx leden de voirs(creven) gehuysschen oft e(m)mers deen/
te weten(e) dwijf dair af de voirs(creven) goessen man/
en(de) mo(m)boir is oft van hue(re)n wegen seke(re) clachten/
gedaen hadden oft wae(re)n met gescrifte in handen/
m(ijn) hee(re)n des meyers van loeven(en) als officier/
dair af hij exhibeerde copie die grotelijc gedroegen/
in afnemen(e) van sijnre eeren ende en was die/
fame niet alleene uut dien gebreyt acht(er) straten/
in des(er) stad mair oic in div(er)s(e) ande(re)n steden/
hier omtr(int) alsoe dat dair af was groot/
geruchte vanden welken hem niet genoech/
en conde verwonde(re)n bege(re)nde [ov(er)] mits dat hij van/
dien te kynnen geven ende famen onsculdich/
soude wordden bevonden ende dat hij dair af
//
soude moegen come(n) tot rep(ar)acien van zijnre eeren/ dat de voirs(creven) gedaichde gehuysschen souden clee(re)n/ voir al oft sij bij dier clachten bleven oft niet/ hopen(de) voir sijne conclusie dat zij dat sculdich/ souden sijn te doen(e) offe(re)nde ende p(rese)nte(re)nde/ in dien zij dair bij bleven dair af behoirlijc/ rechts te plegen(e) Ende in dien zij dair af schiede(n)/ oft scheyden wouden zijne beternisse in rep(ar)acie(n)/ van zijnder eeren te vervolge(n) alhier ind(er) came(re)n/ oft voir meye(r) en(de) scepen(en) van loeven(en) dair en(de)/ alsoe zijne raet soude gedrage(n) Dair op de/ voirs(creven) gehuysschen bij monde des voirs(creven) goessens/ antwerden dat aengaen(de) der cedulle(n) bijden/ voirs(creven) arnde geruert ende der copien dair af/ geexhibeert hij goessen niet en weet te spreken/ maer geloofde wel dat zijne huysvrouwe/ die hij sculdich wa(r)e te assiste(re)n en(de) bij bliven/ soude tot den uutersten alsoe een goet man/ zijnd(er) goeder getrouder huysvr(ouwe) dair voe(r)/ hij haer hielt sculd(ich) wa(r)e en(de) behoerde te/ doen(e) van des haer bij den voirs(creven) arnde en(de) pete(re)n/ van dalem weder nae(re)n was seke(re) clachten bove(n)/ hadde gedaen van welcker clachten zij alsoe/ niet en mochten scheyden zij hen souden hen/ ald(air) yerst naerde(r) moete(n) berade(n) om te wete(e)/ waer zij hue(r) recht volge(n) woude(n) Het wa(r)e/ bove(n) oft alh(ier) hopen(de) dat tselve beraet/ hen soude gebue(re)n voir en(de) eer zij op de/ peticie des voirs(creven) arnts yet soude(n) antweerde(n)/ Dair op de voirs(creven) arnt replice(re)nde seyde gemerct/ dat zij in allen zijden ingesete(n) poirte(re)n wae(re)n/ en(de) zijn van des(er) stad dat nae de rechten en(de)
//
p(ri)vilegien der selv(er) de decisie van des(er) alh(ier) [inder stad] behoerde/ en(de) nerge(re)ns el p(er)siste(re)nde mits dien in zijne voirs(creven)/ conclusie Es nae dien de p(ri)vilegien zijn gevisiteert/ en(de) den voirs(creven) gehuysschen gelesen geweest uut/ gesproken en(de) get(er)mineert dat de voirs(creven) gehuysschen/ sculdich souden sijn op de peticie en(de) conclusie/ des voirs(creven) arnts te antwerde(n) en(de) dat de decisie/ van desen behoerde te geschien alh(ier) ind(er) came(re)n oft/ inde banck voir meye(r) en(de) scepen(en) van loeven(en)/ d(air) af de voirs(creven) gehuyssche(n) coese hebben souden/ In pleno (con)s(ili)[o] april(is) iii
//
soude moegen come(n) tot rep(ar)acien van zijnre eeren/ dat de voirs(creven) gedaichde gehuysschen souden clee(re)n/ voir al oft sij bij dier clachten bleven oft niet/ hopen(de) voir sijne conclusie dat zij dat sculdich/ souden sijn te doen(e) offe(re)nde ende p(rese)nte(re)nde/ in dien zij dair bij bleven dair af behoirlijc/ rechts te plegen(e) Ende in dien zij dair af schiede(n)/ oft scheyden wouden zijne beternisse in rep(ar)acie(n)/ van zijnder eeren te vervolge(n) alhier ind(er) came(re)n/ oft voir meye(r) en(de) scepen(en) van loeven(en) dair en(de)/ alsoe zijne raet soude gedrage(n) Dair op de/ voirs(creven) gehuysschen bij monde des voirs(creven) goessens/ antwerden dat aengaen(de) der cedulle(n) bijden/ voirs(creven) arnde geruert ende der copien dair af/ geexhibeert hij goessen niet en weet te spreken/ maer geloofde wel dat zijne huysvrouwe/ die hij sculdich wa(r)e te assiste(re)n en(de) bij bliven/ soude tot den uutersten alsoe een goet man/ zijnd(er) goeder getrouder huysvr(ouwe) dair voe(r)/ hij haer hielt sculd(ich) wa(r)e en(de) behoerde te/ doen(e) van des haer bij den voirs(creven) arnde en(de) pete(re)n/ van dalem weder nae(re)n was seke(re) clachten bove(n)/ hadde gedaen van welcker clachten zij alsoe/ niet en mochten scheyden zij hen souden hen/ ald(air) yerst naerde(r) moete(n) berade(n) om te wete(e)/ waer zij hue(r) recht volge(n) woude(n) Het wa(r)e/ bove(n) oft alh(ier) hopen(de) dat tselve beraet/ hen soude gebue(re)n voir en(de) eer zij op de/ peticie des voirs(creven) arnts yet soude(n) antweerde(n)/ Dair op de voirs(creven) arnt replice(re)nde seyde gemerct/ dat zij in allen zijden ingesete(n) poirte(re)n wae(re)n/ en(de) zijn van des(er) stad dat nae de rechten en(de)
//
p(ri)vilegien der selv(er) de decisie van des(er) alh(ier) [inder stad] behoerde/ en(de) nerge(re)ns el p(er)siste(re)nde mits dien in zijne voirs(creven)/ conclusie Es nae dien de p(ri)vilegien zijn gevisiteert/ en(de) den voirs(creven) gehuysschen gelesen geweest uut/ gesproken en(de) get(er)mineert dat de voirs(creven) gehuysschen/ sculdich souden sijn op de peticie en(de) conclusie/ des voirs(creven) arnts te antwerde(n) en(de) dat de decisie/ van desen behoerde te geschien alh(ier) ind(er) came(re)n oft/ inde banck voir meye(r) en(de) scepen(en) van loeven(en)/ d(air) af de voirs(creven) gehuyssche(n) coese hebben souden/ In pleno (con)s(ili)[o] april(is) iii
Nagekeken door: Jos Jonckheer
Moderator: Jos Jonckheer
Laatste update:: 2015-10-20 door Jos Jonckheer