Item baudewijn henry en(de) jouffr(ouwe) lijsbeth van b(er)them/ zijn huysvr(ouwe) in p(rese)ncia hebben gelaudeert geappro/ beert en(de) geratificeert alsulken guedinge als jan van/ b(er)them des mach omtrint geleden zijn xv jair gedaen/ heeft voir hof en(de) ma(n)nen van leene vranx de/ kersmake(re) janne hellinx woenen(de) nu t(er)tijt te/ libbeke als van eenen stucke lants houden(de) omtrint/ een boend(er) luttel min oft meer alsoet gelegen is/ opde slubbeke inde p(ro)chie van libbeke tusschen/ de goede jacops de witte op twee zijden/ min hee(re) van s(in)[te] g(er)truyde(n) opde derde en(de) de/ strate geheete(n) de stockstrate op de vierde zijden/ Geloven(de) den selven janne d(air) af ne(m)mermeer/ aen te spreken(e) te vexe(re)n noch te moyen in gheene(n)/ rechte gheestelijck oft weerlijck mer he(m) d(air) af/ altijt gerecht warant te zijne en(de) tselve/ goet voe(r) ombeco(m)mert leen te warande(re)n prout/ cor(am) boechout naen april(is) xxii