Nae dien goort h(er)meys geleyt zijnde nae des(er)/ stad rechte voir zijn wettich gebreck uut crachte/ van scepen(en) brieve(n) van loeven(en) tot alle den goeden
//
beyde have en(de) erve anthoenis wijlen van redingen/ soe wair die gelegen zijn hem met eene(n) diene(r) van/ des(er) stad alle de selve goede heeft doen leve(re)n ende der/ wed(uw)[en] des voirs(creven) wijlen anth(oenis) oft zij huer dair tegen/ hadde willen oppone(re)n dach van rechte doen bescheiden/ op heden dienen(de) alh(ier) te compare(re)n inde banck voir/ meye(r) ende scepen(en) van loeven(en) aldair de voirs(creven) wed(uw)[e]/ noch procur(ator) van hue(re)n wege niet en es gecompareert/ den voirs(creven) goort compare(re)nde en(de) trecht voirts v(er)sueken(de)/ soe dat scepen(en) van loeven(en) t(er) maniss(en) smeyers/ gewesen hebbe(n) met vo(n)nisse nae dat hen behoirlijc/ gebleken was bij cleerissen willems de cuype(re) de/ voirs(creven) leveri(n)ge en(de) dach besch(eidinge) aen der voirs(creven) wed(uw)[en]/ gedaen te zijne dat men den voirs(creven) geleydde(n) vand(en)/ voirs(creven) goeden houden sal inde macht van zijne(n) scepen(en)/ brieve(n) soe verre het noch voir hen scepen(en) comen is/ cor(am) o(mn)ibus dempto graven april(is) xxv