Vand(er) questien die geweest is voir den rade vand(er)/ stad tusschen de weduwe arnts wijlen (christ)i(n)nen geheeten/ cottens en(de) aelbrecht bouts ter eender zijden ja(n)ne van/ thienen aelbrecht tants en(de) jan van kerrebeke ter ande(re)/ om des cortsels en(de) afslachs wille die de voirs(creven) drie/ p(er)sone(n) ..sschen yesschen versochte(n) en(de) sustineerde(n) dat/ he(n) bijd(en) voirs(creven) wed(uw)[en] en(de) aelbrechte gedaen soude wordde(n)/ vand(en) gevallen(en) en(de) verschen(en) pachten der lijftochten/ die zij als borghe(n) jor(ijse) wijlen van kerrebeke brueders/ des voirs(creven) jans doen hij leefde der voirs(creven) wed(uw)[en] en(de)/ aelbr(echt) bouts sculdich sijn sunderlinghe gemerct dat/ jacop crabbe die de voirs(creven) wed(uw)[e] des voirs(creven) wijlen jans/ van kerrebeke heeft getrout en(de) die hen mits den/ aenverden(en) vand(en) have(n) sculd(ich) is en(de) behoert te ontheffen/ zijne goede(n) heeft liggen(de) in div(er)sen plecken en(de) plaetsen/ als te vilvorde(n) scarebeke eve(re)n bruessel gaesbeke/ en(de) anderssins die alle verbijstert en(de) verdorve(n) zijn/ alsoe dat hij dair af niet en heeft gemerct oick/ dat ind(er) saken vand(en) re(n)voye voir m(ijn) hee(re)n cancell(ie)r/ en(de) rade bij den selven soude zijn geseet ooghe en(de)/ consideracie te hebbe(n) op des voirs(creven) jacops schade en(de)/ d(aer)entinden he(m) doen cortsel en(de) alslach en(de) dat dit aldus/ behoerde en(de) wae(re) sculdich zijn te geschien gedroege(n)/ zij hen totte(n) rechte dair op de voirs(creven) wed(uwe) en(de) aelbrecht/ pensionar(is) seyden dat hem van dien zee(r) verwonderde/ bij div(er)sen reden(en) ierst dat hue(r) lijfrinte(n) op gheene/ erfce goeden en wae(re)n verbonden noch geypotheceert/ dat zij oic jacops goeden niet en hadden geeyscht/ noch en yesschen wae(re)n te vreden mette(n) borge(n) den voirs(creven)/ p(er)sonen die zij hoopten dat hen sculd(ich) souden zijn/ te bet(al)[en] Te meer want e(n)nige vand(en) lijftochten/ bij versterven genoech wae(re)n gecort en(de) datmen tot/ noch toe van gheene(n) lijfrinte(n) op borge(n) staen(de) en(de) op/ gheene gronden van erve geypotheceert cortsel noch/ afslach gedaen en heeft noch en is oick dat/ inder ordinan(cien) bijden staten opt corsel gemaict/ niet begrepen es get(er)mineert dat de voirs(creven) borge(n)/ verdoelt zijn e(n)nich cortsel oft alslach te eysschen/ vand(en) voirs(creven) lijfrinten op borge(n) staen(de) in pleno/(con)s(ili)[o] maii secu(n)da