Nae dien de scepen(en) van loeven(en) [vacat] lestleden hue(re)n/ raet en(de) verst genomen hebben op alsulken eysch ende/ conclusie als arnt van hove borg(er)meest(er) van des(er) stadt/ en(de) pet(er) van daelhem gedaen en(de) gesustineert hebben op en(de)/ tegen goessen(e) ooghe en(de) zijnd(er) huysvr(ouwe) hebben zij op/ heden ter manissen smeyers gewesen met vo(n)nisse gelieft/ arnde van hove en(de) pete(re)n van daelhem de continuacie/ van goessen ooghe en(de) zijnd(er) huysvr(ouwe) mits huer(er) non/ comparitien nae de voiracte(n) te doen teeken(en) en(de) dae(re)ntynde(n)/ de rep(ar)acie en(de) beternisse van huer(er) eeren te volgen met/ rechte dat zij dat doen moegen In scampno cor(am)/ o(mn)ibus scabinis dempto boechout maii xviii