Cond zij allen lieden dat willem vand(er) roost sone/ wijlen willems woenende te cortelke ende h(er) vrancke/ thielens prieste(r) sone wijlen jans woenen(de) te rode in p(rese)ncia/ hebben genomen ende bekint genomen te hebben(e) van willem(me)/ van ophem al(ia)s meest(er) jans als procur(ator)s des goisdh(uys) van/ ghempe de helicht vand(er) geheelder thienden die tvoirs(creven)/ goisdh(uys) heeft te cortelke gelijc en(de) alsoe men die gewoenlijc/ es geweest uut te geven(e) Te houden te hebben ende te/ gebruyken van nu voirtaen(e) eenen t(er)mijn van drie jae(re)n/ lang due(re)nde deen nae dander sonder middel vervolgen(de)/ Elcx jairs dae(re)nby(n)nen om en(de) voir xxxi mudde(n) rogs/ xxxi mudde(n) half g(er)ste half even(en) en(de) een mudde/ erwete(n) der maten van loeven(en) alsulkx grains als vand(en)/ voirs(creven) thiende(n) comen sal met wa(n)ne en(de) vlogele(n) wel/ bereyt alle vol jae(r) s(in)[t] andriemisse apostels te betalen(e) ende/ te kersmisse vol betailt te zijne ende te loeven(en) taersschot/ oft int cloost(er) te ghempe te leve(re)n dairt m(ijn) vrouwen/ best believe(n) sal quol(ibe)t ass(ecutu)[m] Met cond(ici)[en] en(de) voirweerden/ dat de thiendeners bynnen den yersten jae(r) egheene/ erweten geven en sulle(n) Item is cond(ici)[e] oft de thiendeners/ te cort quamen aen de voirs(creven) thiende vand(en) g(er)sten tot vie(r)/ mudden toe dair voe(r) sullen zij moegen betalen vand(en)/ best(en) have(re)n oic vie(r) mudden Item soe verre e(n)nige/ schade toequame van tempeeste haegelslage vand(en)/ volke van wapen(en) tusschen den oigst en(de) kersmisse/ dair af sullen de thiendeners cortsel hebben mits dat/ zij behoiren de thiende te kersmisse betailt te hebben(e)/ Item de voirs(creven) thiendeners sullen jairlijcx vand(en)/ voirs(creven) thienden leve(re)n den p(er)soon van cortelke xxv/ mandelen stroos half rogghe en(de) half zom(er)stroo/ Item is cond(ici)[e] dat elc der voirs(creven) thiendeners/ gestaen sal met zijnd(er) helicht vand(en) voirs(creven) helicht/ der voirs(creven) thienden alsoe datmen den eenen van des/ anders p(ar)te niet en sal moegen pramen Ende alle/ dese voirweerde(n) d(omi)no franco(n)e renu(n)c(ians) (et)c(etera) Ende/ hier voe(r) zijn borgen te weten(e) der voirs(creven) thiendeners/ als principale sculders des voirs(creven) willems s(er)vaes
//
helscheviers sone wijlen jans woenen(de) de vincke/ bosch willem ende wout(er) vand(er) roost zijn kinde(re)n/ p(ri)us ema(n)cipati Ende des voirs(creven) he(re)n vrancx georgius/ de gouwe(re) f(ilius) quond(am) henrici co(m)mor(ans) apud cortelke/ voirs(creven) Ende de thiendeners hebben geloeft hue(r)/ borghen scadeloes tontheffen(e) Cor(am) g(ra)ven borch junii/ xvii