Alsoe als ten vervolghe jacops amelrijcx als procur(ator)/ arnts vand(en) broeke geleydt zijnde nae des(er) stad/ voir zijn wettich gebreck uut crachte van scepen(en) brieve(n) van loeven(en) tot allen den goeden beyde/ have en(de) erve jans van gobbelsrode soe wair/ die gelegen zijn met brieve(n) van des(er) stadt/ gescreven es geweest aen den meye(r) van bierbeke/ oft zijne(n) stadhoude(r) en(de) versocht zee(r) ernstelijc/ alle de goede tvoirs(creven) arnts onder hem gelegen/ te doen volgen(e) en(de) te leve(re)n den voirs(creven) geleydde(n)/ oft den bring(er) ons(er) brieve(n) in zijne(n) name Bij/ alsoe oft de voirs(creven) jan he(m) dair tegen hadden/ wille(n) oppone(re)n dach van rechte mits v(er)strijcke/ van genecht(en) op heden dienen(de) alh(ier) te compare(re)n/ inde banck voir meye(r) en(de) scepen(en) van loeven(en)/ te bescheyden(e) Aldair gheen hij noch nyemant/ van zijne(n) wege en es gecompareert den voirs(creven)/ jacop als procur(ator) voirs(creven) compare(re)nde en(de) trecht/ voirts versueken(de) Soe verre dat scepen(en)/ van loeven(en) ter maniss(en) smeyers gewesen/ hebben met vo(n)nisse nae dien hen behoirlijc/ gebleken heeft bij cleernissen bouwen bellens/ bode te voete van des(er) stadt de voirs(creven) leveri(n)ge/ en(de) dach besch(eydinge) behoirlijc geschiet te zijne/ datmen den voirs(creven) geleydde(n) vand(en) voirs(creven) goede(n)/ houden sal inde macht van hue(re)n scepen(en) brieve(n)/ soe verre het noch voir hen scepen(en) comen/ is In scampno Eisd(em)