Cond zij allen lieden dat h(er) jan pynnock/ ridde(r) in p(rese)ncia heeft genomen en(de) bekint genomen/ te hebben(e) tegen jacoppe de witte sone wijlen/ jans die op de biest plach te woenen met/ consente roelofs capelleman als man en(de)/ mo(m)boir jouffr(ouw)[en] m(ar)griete(n) switten zijnd(er)/ huysvr(ouw)[en] en docht(er) des voirs(creven) jacops alle/ alsulken lande en(de) beemde als hij de voirs(creven)/ jacop liggen(de) heeft onder nederijssche cortbeke
//
ov(er)dijle en(de) leefdale en(de) alsoe de scepen(en) brieve(n)/ van loven(en) dair af zijnde die de voirs(creven) h(er) jacop/ d(aer) af heeft begripen en(de) gelijc wout(er) van haecht/ wynne des voirs(creven) hee(re)n jans die in pechtingen/ gehouden heeft Te houden te hebben in pechtinge(n)/ en(de) hueri(n)gen van halfm(er)te naistcomen(de) eene(n)/ t(er)mijn van xii jae(re)n lang due(re)nde deen nae/ dand(er) sonder middel vervolgen(de) Elcx jairs/ om en(de) voe(r) sesse mudde(n) corens pag(abilis) cu(m) va(n)no/ mensu(r)e lov(aniensis) een halst(er) erweten en(de) twee/ r(ins) guld(en) te xx stuv(er)s tstuck alle jae(re) s(in)[t]/ and(riesmiss)[e] ap(oste)ls te betalen(e) en(de) tvoirs(creven) greyn/ te loeven(en) ten huyse des voirs(creven) jacops te/ leve(re)n den voirs(creven) t(er)mijn due(re)nde quol(ibe)t/ ass(ecutu)[m] Met cond(ici)[en] en(de) voirweerde(n) dat de/ voirs(creven) h(er) jan de voirs(creven) lande wel en(de)/ loflijc sal doen wynne(n) werve(n) en(de)/ meste(n) gelijc regenote(n) bove(n) en(de) beneden/ en(de) die laten tzijne(n) afscheiden(e) oic gelijc/ regenoote(n) Item sal de beemde wel en(de) loflijc doen/ v(er)maken de ryolen en(de) grechten vege(n) en(de) ruyme(n)/ soe dat costumelijck is Item sal de voirs(creven) h(er) jan/ en(de) heeft geloeft den voirs(creven) jacoppe nu ter stont/ te geven(e) en(de) te betalen(e) vi mudden corens een/ halst(er) erweten en(de) ii r(ins) gulden(en) te xx stuv(er)s tstuck/ tderdel de paesschen tderdel te zinxen(en) en(de) derdel/ ten oigste al naistcomen(de) en(de) tgreyn te loven/ ten huyse des voirs(creven) jacops te leve(re)n quol(ibe)t ass(ecutu)[m]/ En(de) alle dese voirwerde(n) (et)c(etera) Cor(am) g(ra)ven boech(out)/ decembr(is) xii