Vand(er) questien gecomen voir den raide vand(er)/ stadt tusschen janne van hoeye en(de) met/ hem gevuecht de gezworen(en) scatters ter eenre/ en(de) willem(me) metten gelde en(de) katline(n) van/ hoeye docht(er) des voirs(creven) jans ter ande(re) zijden/ en(de) de weduwe willems wilen van berlair/ ter derd(er) zijden aldair de voirs(creven) scatte(re)n die/ de have des voirs(creven) jans tot zijnen v(er)sueke/ hadden v(er)cocht v(er)sochten vand(en) voirs(creven) willem(me)/ ov(er)geleet te hebben(e) alsulke(n) pe(n)ni(n)gen als/ hij sculdich was uut saken van seke(re)n huys/ rade bij hem tegen de voirs(creven) scatte(re)n gecocht/ en(de) de voirs(creven) weduwe sustineerde want zij/ den voirs(creven) huysraet beslagen hadde bynne(n)/ hue(re)n platen voir hue(r) huyshue(r) dat zij/ voir al gaen soude Dair tege(n) de voirs(creven) / willem en(de) zijne huysvr(ouwe) seyden dat de voirs(creven) / jan hue(r) vad(er) hen sculdich was de so(m)me/ van xi r(ins)g(ulden) oft dair omtri(n)t ter goed(er) reke/ ni(n)gen en(de) want zij ae(n)sagen dat hij alle/ zijnen huysraet pijnde te v(er)coopen soe wel/ de vliegen(de) erve d(air)aen hij gheen macht en/ hadde en(de) dwelc zij hem wel soude(n) hebbe(n)/ v(er)boden mits dat hij mair een tocht(er) en was/ als dande(r) goede soe hadden zij dat nochta(n)/ laten geschieden om hem niet bescaemt/ te laten behalven om hen selve(n) te reco(m)pense(re)n/ van hue(re)r scult enige p(ar)ceelen vand(en) selve(n)/ huysrade die zij gecocht hadden sustine(re)nde/ dat zij dier nairde(r) wae(re)n dan enige ande(re)
//
ende wae(re)n te vreden metten selven hue(re)n vad(er) d(air)aff/ te rekenen en(de) van des zij d(air)af tacht(er) wae(re)n p(rese)nteerde(n)/ zij duechdelijc opte leggen(e) en(de) te betalen Ende/ van des hue(r) vad(er) tocht(er) mocht zijn der voirs(creven) / weduwen mocht zij dat opde ande(re) v(er)cochte en(de) / onv(er)cochte goeden v(er)halen oft men stelde oft haer/ hen tsurplus vand(en) onv(er)cochte(n) huysrade in hue(re)n / handen zij souden die ten mi(n)sten laste v(er)coope(n)/ en(de) d(air)af des voirs(creven) weduwen met tgene desmen/ vand(en) v(er)cochte(n) goeden o(n)tfaen heeft en(de) noch sculdich/ is betalen en(de) soe wes d(air)af overde souden zij/ ter goed(er) rekeni(n)gen den selve(n) hue(re)n vad(er) wed(er)/ kee(re)n opleggen en(de) betalen oft dat jan selve/ die v(er)cochte en(de) hen d(air)af v(er)nuechde sustine(re)nde/ dat zij alsoe nae en(de) nairde(r) wae(re)n tregime(n)t/ en(de) bewint vand(en) selven goeden te hebben(e) als/ ande(re) Es bijden selven raide uutgesproken/ en(de) get(er)mineert dat de voirs(creven) jan de vad(er)/ soe vele gehouden sal zijn te doen(e) dat de/ voirs(creven) weduwe die voir al behoirt betailt/ te zijne betailt zij Oft dat tgene des/ vanden voirs(creven) v(er)cochten goeden comen is en(de) / men noch sculdich is met oic den onver/ cochten goeden den voirs(creven) gehuyssche(n) volgen/ sullen op hue(re) voirs(creven) p(rese)ntacie in (con)s(ili)[o] julii xi