SAL7778, Akte: V°211.1 (420 van 812)
Akte V°211.1
Act
Datum: 1493-06-18
Transcriptie
2019-11-29 door Walter WinnelinckxTusschen gorde bubbele(re) als procur(eur) hee(re)n jans/
van woelmont proefsts van arschot geleyt/
zijnde totten goeden jans uute(n) broeke van/
arschot voer de so(m)me van xxxii pet(er)s eens die/
de selve jan he(m) gelooft hadde tzijnder manissen/
te betalen(e) als van geleende(n) coren(en) te ghelde/
geslagen dair voe(r) hij he(m) de goede desselfs/
jans hadde doen leve(re)n ter eenre en(de) den/
selven ja(n)ne die seyde dat hij opde voirs(creven)/
schult betaelt hadde de so(m)me van xviii/
hollan(sche) gulden(en) alsoe hij p(rese)nteert te bewijsen(e)/
en(de) begheerde dair om dach van rekeni(n)gen/
met meer ande(re)n uutwegen bij hem gealligeert/
ter ande(r) zijden Es bij scepen(en) van loeven(e)/
ter maniss(en) smeyers gewijst met vo(n)nisse/
dat de voirs(creven) uute(n) broeke de scepen(en)/
brieve schuldich sal zijn te voldoen(e) behalven/
can hij bewijsen dair op yet betaelt te/
hebben(e) dat hem dat tafslage comen/
soude cor(am) o(mn)ibus dempt(o) pynnock junii/
xviii
Nagekeken door: Jos Jonckheer
Moderator: kristiaan magnus
Laatste update:: 2015-08-11 door Jos Jonckheer