Alsoe als ten vervolge hubrechts de becke(re) als geleyt/ zijnde nae den stad rechte van des(er) stad uut/ crachte van scepen(en) brieve(n) van loven(en) voir zijn/ wettich gebreck tot allen den goeden beide have/ en(de) erve onder den ande(re)n henricx van thielt soe wair/ die gelegen zijn gescreve(n) es geweest aen den meye(r)/ van houthem oft zijnen stadhoude(r) alle de selve goede/ te leve(re)n ende te doen volgen oft den bring(er) der voirs(creven)/ brieve(n) in zijnen name ende den voirs(creven) henricke/ zijnen wynne(n) en(de) pechtene(re)n oft zij hen d(air) tegen/ hadden wille(n) oppone(re)n dach van rechte alh(ier) te/ compare(re)n inde banck voir meye(r) en(de) scepen(en) van/ loven(en) doen bescheiden aldair de voirs(creven) henrick zijn/ wynnen en(de) pechtene(re)n oft niema(n)t van zijnen/ wegen en es gecompareert den voirs(creven) geleidden/ compare(re)nde en(de) trecht voirts versueken(de) Soe/ hebben de scepen(en) van loven(en) yerst aengehoirt/ boudewin bellens bode te voete van des(er) stadt/ die cleerde bij zijnen eede dat de stadhoude(r) des/ voirs(creven) meyers van houthem de leveri(n)ge der/ voirs(creven) goeden gedaen heeft en(de) den voirs(creven)/ henricke dach bescheiden nae inhout/ der voirs(creven) brieve(n) ter manissen smeyers gewesen/ met vo(n)nisse dat men den voirs(creven) geleidden/ vand(en) voirs(creven) goeden houden soude inde macht/ van zijnen scepen(en) brieve(n) beleidde alsoe/ verre alst noch voir hen scepen(en) comen/ is In scampno cor(am) o(mn)ibus dempt(is)/ pynnock buetsele m(ar)cii vii