Alsoe als ten vervolghe jans van laethem rintm(eeste)r ons(er)/ genadig(er) hee(re)n int quartier van thienen als geleyt/ zijnde nae des(er) stad rechte voir zijn wettich gebreck/ uut crachte van scepen(en) brieve(n) van loeven(en) tot allen/ den goeden beyde have en(de) erve willems wijlen/ vand(er) eect soe wair die gelegen sijn met brieve(n) van/ des(er) stad gescreven es geweest aen den meye(r) van/ halen oft zijne(n) stadhoude(r) ende versocht zee(r)/ ernstelijck alle de goede des voirs(creven) wijlen willems/ te leve(re)n en(de) te doen volgen den voirs(creven) geleidden/ oft den bring(er) ons(er) brieve(n) in zijne(n) name ende/ de kinde(re) des voirs(creven) wijlen willems oft zij hen/ dair tegen hadden willen oppone(re)n dach van/ rechte op heden dienen(de) alh(ier) te compare(re)n/ inde banck voir meye(r) en(de) scepen(en) van/ loeven(en) te bescheiden Aldaer gheen van hen/ noch nyemant van hu(n)nen wege en es/ gecompareert den voirs(creven) geleidden compare(re)nde/ ende trecht voirts versueken(de) Soe verre/ dat scepen(en) van loeven(en) ter maniss(en) smeyers/ met vo(n)nisse gewesen hebben nae dien hen/ behoirlijc gebleken heeft bij recripte des voirs(creven)/ meyers van halen de die onder sijn hanteken/ gecertificeert heeft de voirs(creven) leveri(n)ge en(de) dach/ bescheidinge behoirlijck geschiet te zijne dat/ men den voirs(creven) geleidden vand(en) voirs(creven)/ goeden houden sal inde macht van/ zijnen scepen(en) brieve(n) soe verre het noch/ voir hen scepen(en) comen is In scampno cora(m)/ o(mn)ibus dempt(is) py(n)nock buetsele m(ar)cii penult(ima)