Alsoe als ten vervolghe claes vasont als procur(ator)/ jans wairsegge(re) geleyt zijnde nae des(er) stad recht/ voir zijn wettich gebreck uut crachte van scepen(en)/ brieve(n) van loeven(en) tot allen den goeden beide have/ en(de) erve henricx wijlen van ophem geheeten meest(er) jans/ soe wair die gelegen sijn met brieve(n) van des(er) stadt/ gescreven is geweest aen allen officie(re)n en(de) versocht/ zee(r) ernstelijck alle de voirs(creven) goede des voirs(creven) wijlen/ henricx te leve(re)n en(de) te doen volgen den voirs(creven) geleidden/ oft den bringe(r) ons(er) brieve(n) in zijnen name Ende/ hendericke van daelhem alijt meest(er) jans zijn huysvr(ouwe)/ en(de) henricke meest(er) jans oft zij hen dair tegen hadden/ willen oppone(re)n dach van rechte op heden dienen(de) alh(ier)/ te compare(re)n inde banck voir meye(r) en(de) scepen(en)/ van loeven(en) te bescheyden(e) aldair gheen van hen noch/ p(ro)cur(eur) van hu(n)nen wege en es gecompareert den/ voirs(creven) geleidden compare(re)nde en(de) trecht voirts/ versueken(de) soe verre dat scepen(en) van loeven(en)/ ter manissen smeyers gewesen hebben met vo(n)nisse/ nae dien hen behoirlijc gebleken heeft bij cleerniss(en)/ bertelmeeus vasont bode te voete van des(er)/ de voirs(creven) leveri(n)ge en(de) dach besch(eidinge) bijden/ stadhoude(r) smeyers van cumptich te wynghe/ en(de) des meyers van libbebbeke die onder sijn/ hanteken gecertificeert heeft de voirs(creven) leveri(n)ge/ en(de) dach bescheidinge behoirlijc geschiet/ te zijne dat men den voirs(creven) geledden vand(en)/ voirs(creven) goeden houden sal inde mach van/ zijnen scepen(en) brieve(n) soe verre het noch voir/ hen scepen(en) comen in scampno Eisd(em)