Alsoe als ten vervolghe jans hoelmans gielijs vlemi(n)cx/ en(de) goords neels geleyt zijnde nae den rechte van/ des(er) stad tot allen den goeden beyde have en(de) erve/ jans wijlen hoelmans soe wair die gelegen sijn/ met brieve(n) van des(er) stad gescreven es geweest/ aen den meye(r) van werchte(r) oft zijne(n) stadhoude(r)/ alle de selve goede te doen volgen de voirs(creven) geleidde(n)/ oft den bring(er) der voirs(creven) brieve(n) in sijnen name Ende/ de wed(uw)[e] des voirs(creven) wijlen jans hue(r) kinde(re)n en(de)/ wynnen oft zij hen dair tegen hadden willen/ oppone(re)n dach van rechte alh(ier) te compare(re)n inde/ banck voir meye(r) en(de) scepen(en) van loeven(en) doen bescheide(n)/ Aldair de voirs(creven) wed(uw)[e] hue(r) kinde(re)n oft wynnen/ noch nyema(n)t van hue(re)n wege en es gecompareert/ den voirs(creven) geleidde(n) compare(re)nde en(de) trecht voirts v(er)sueken(de)/ Soe hebben de scepen(en) van loeven(en) nae dien hen gebleken/ is bij rescripte des voirs(creven) meyers van werchte(r)/ die onder sijne(n) hanteken segele gecertificeert
//
heeft de voirs(creven) leveri(n)ge en(de) dach besch(eidinge) behoirlijck/ geschiet te zijne ter maniss(en) smeyers gewesen met vo(n)nisse/ datmen den voirs(creven) geleidden vand(en) voirs(creven) goeden/ houden soude inde macht van zijnen scepen(en) brieven/ soe verre het noch voir hen scepen(en) comen is In/ scampno april(is) ultima