Item de voirs(creven) jan van thienen aelbrecht tants en(de)/ jan vynger hebben gecleert bij hue(re)n eede die zij en(de)/ elc van hen ten staen(de) des onder meyers van loeven(en)/ vorsters ons gened(ichs) hee(re)n in des(er) stadt gedaen heeft/ dat zij de voirs(creven) goede te meerstonden uut crachte van/ hue(re)n beleyde hebben doen gebieden te coope en(de) cedulle(n)/ dair af doen slaen opde kerckdoe(re)n by(n)nen des(er) stadt/ en(de) dair op geseten ter plaetsen inder cedulle(n) genoempt/ om die op hoogen te vercoopen en(de) ten hoocsten te/ bringen(e) en(de) nae dien nyman(de) en quam die hen/ dair voe(r) yet boet hebben zijt hee(re)n ja(n)ne vand(er)/ lynde(n) prieste(r) tot behoef der voirs(creven) anthonine(n) als/ den meeste(r) dair voe(r) bieden(de) om en(de) voe(r) de voirs(creven)/ ii rinsgulden(en) erflijc ende dat zij gheen bate oft/ proffijt meer dair af gehadt oft getogen en/ hebben ende hebben gecleert dat zij tallen/ tijden alst van noode wesen sal de voirs(creven) ii/ rinsgulden(en) erflijc cortten sulle(n) aen hue(r) gebreck/ cor(am) eisd(em)