Item gielijs vanden bulke sone wilen jans/ woenen(de) te kessele inden bijvang van lyere/ in p(rese)ntia heeft genomen en(de) bekint genome(n)/ te hebben(e) tegen bruede(re)n woute(re)n sweerts/ pat(er) ende confesseur sgoidsh(uys) vand(en) xi[m] meechden/ opde halfstrate te loven(e) thof desselfs goidsh(uys)/ gelegen te kessele met v boend(er) lants aen/ tselve gelegen tusschen de goede laureys/ van roesbroeck ter eenre en(de) de goede/ henricx wilen colibrants ter ande(re) comen(de)/ metten ynde aen de boogarts heyde It(em)/ noch v dach(mael) lants gelegen ald(air) opde herstrate/ tusschen de goede jans de herde en(de) g(eer)ts de/ wynt(er) comen(de) mette(n) eenen ynde aen de herstrate/ Te houden te hebben ende te wynnen van
//
desen half m(er)te eenen t(er)mijn van vi jai(r)en lang/ due(re)nde deen nae dand(er) sond(er) middel v(er)volgen(de)/ Elcx jairs dae(re)nbynnen om en(de) voir xxiii viertele(n)/ rogs pag(abilis) cu(m) vanno der maten van lye(re) alle/ jai(r)e te kersmisse te betalen(e) en(de) te lyere inde/ stadt daert den p(ro)cur(eur) des goidshuys believe(n)/ sal te leve(re)n quol(ibe)t ass(ecutu)[m] des sal de voirs(creven) wynne/ tsijnen laste sculdich sijn jairlijcx soe in tijts te/ betalen(e) dat den voirs(creven) goidsh(uyse) d(air)bij gheene/ schade en come alsulken vi fiertelen rogs/ en(de) een half als uuten selven goeden gaen/ Ende oft d(air)af enige schade quame dat soude/ zijn ten laste vanden wynne behalven dat de/ selve vi(½) fiertelen cortten sullen aen den voirs(creven)/ pacht des voirs(creven) goidshuys It(em) heeft noch genome(n)/ de selve wynne alsulken beemde als tgoidsh(uys)/ ald(air) liggen(de) heeft Te weten(e) v dach(mael) beemps/ gelegen ald(air) tusschen der kerken goet van kessele/ ter eenre en(de) peters van roesbroeck goede ter/ ande(r) zijden Alle jai(r)e om en(de) voe(r) vii pet(er)s te/ xviii st(uvers) tstuck s(in)[te] m(er)tensmisse te betalen(e) den/ voirs(creven) goidsh(uyse) quol(ibe)t ass(ecutu)[m] des sal oic de voirs(creven)/ wynne tsijnen laste als vo(r)e in afslage des/ voirs(creven) es betalen alsulken ii r(insch)g(ulden) ii blanc(ken) en(de)/ v l(i)b(ra) paymi(n)ts als uuten selven goeden gaen/ Met voirw(er)den soe v(er)re e(n)nig(er) vand(en) voirs(creven)/ p(ar)tien beliefde te scheiden(e) ten yersten drie jai(r)en/ dat zij dat sullen moegen doen behalve(n) dat/ de ghene die alsoe scheiden wilt dat den/ ande(re)n een half jair te vo(r)en sal moeten cu(n)digen/ Item sal de voirs(creven) wynne sculdich sijn de/ voirs(creven) lande wel en(de) loflijck te wynnen/ te werven en(de) te mesten gelijck reghenoote(n)/ boven en(de) beneden en(de) tsijnen afscheiden(e) sal/ den toecomen(de) wynne volgen alle tstroo en(de)/ mest inden voirs(creven) hove wesen(de) It(em) sal de/ wynne alle beken wat(er)loopen en(de) wegen/ wel en(de) loflijc houden vegen ende ruymen/ sond(er) last des voirs(creven) goidsh(uys) It(em) sal de wynne/ de huysingen houden vand(er) onderst(er) rijkelen/ nederweert tsijnen laste en(de) de huysinge/ i(½) dach decken tsijnen coste En(de) oft men/ daer meer behoefde te decken(e) dat sal tgoidsh(uys)/ tsijnen laste alleen(e) moeten doen Ende alle/ dese voirw(er)den (et)c(etera) Cor(am) beert cav(er)son m(ar)cii viii