Alsoe als ten vervolghe joh(ann)is nijs als procur(eur) hee(re)n pet(er)s nouts/ geleyt zijnde nae des(er) stad rechte uut crachte van scepen(en)/ brieve(n) van loeven(e) tot allen den goeden beyde have en(de) erve/ arnts vand(er) balct soe wair die gelegen zijn gescreven is geweest/ met brieve(n) van des(er) stadt aen den meye(re) van elissem oft/ sijnen stadhoude(re) alle de selve goede te leve(re)n en(de) te doen/ volghen den voirs(creven) geleidden oft den bring(er) der voirs(creven) brieve(n) in zijnen/ name Ende den voirs(creven) arnde sijn wynnen oft pechteners oft zij/ hen dair tege(n) hadde wille(n) oppone(re)n dach van rechte alh(ier) te compare(re)n/ inde banck voir meye(re) en(de) scepen(en) van loeven(e) doen bescheiden/ aldair de voirs(creven) arnt noch procur(eur) van zijnen wege en es/ gecompareert den voirs(creven) procur(eur) compare(re)nde en(de) trecht voirts/ versueken(de) Soe hebben de scepen(en) van loeven(e) nae dien hen/ behorlijck gebleken heeft bij r(e)scripten des voirs(creven) meyers van elissem/ die onder sijn hantscrifte [gecertificeert heeft] de voirs(creven) leveri(n)ge en(de) dach besch(eidinge)/ behoirlijc geschiet te zijne ter manissen smeyers met vo(n)nisse/ gewesen dat men den voirs(creven) geleydden vand(en) voirs(creven) goeden/ houden soude inde macht van zijnen scepen(en) brieve(n) soe/ verre het [noch] voir hen scepen(en) comen es In scampno coram/ o(mn)ibus dempto keersmake(re) m(ar)cii xviii