Vand(en) questien gecomen voir den raide vand(er) stadt/ tusschen ja(n)ne goerlaken met e(n)nige zijne(n) magen/ en(de) vrienden aenlegge(re)n ter eenre zijden en(de) ja(n)ne van/ bolloe verweerde(r) ter ande(r) zijden aldair de voirs(creven)/ van goerlaken met zijnen voirs(creven) magen en(de)/ vrienden dede seggen hoe dat opten xvi[ten] dach/ van decembri a(n)no lxxxviii de selve goerlaken/ die een outman was en(de) sijnder synnen nyet/ wel mechtich vand(en) voirs(creven) van bolloet v(er)leyt/ zijnde met schoonen woirden aengegaen was/ en(de) gemaict hadde een tractaet voir scepen(en)/ van loeven(e) dair mede hij die een rijc man/ was wel gestaedt nae zijn gelegentheyt/ den selven ja(n)ne van bolloe ov(er)gegeven hadde/ en(de) getransporteert alle sijn goede opt wel/ betrouwen desselfs van bolloe en(de) opt toesegge(n)/ dat hij hem geloefde te houden(e) wel ende/ tamelijc van eten(e) drinken(e) cleede(re)n ende/nae schoen nae zijnen staet en(de) dat hij/ hem dair toe alle weken geven soude vier/ stuv(er)s eens in zijn borse om dair mede yet/ guetlijcx voir hem selven te coopen(e) en(de) dairmede
//
zijnen wille te moegen doen alsoe tselve tractaet/ dat uutwees ende begreep welke tractaet sij/ sustineerden dat ondeughdelijc en(de) ongodlijc wa(r)e/ en(de) tegen alle reden(en) gemerct dat de voirs(creven) goerlakens/ ten tijde vand(en) selven tractate en(de) lange dair te/ vo(r)en niet en was zijnder zi(n)nen wel mechtich/ als hij oic noch en was en(de) hadde te vo(r)en/ die wille geweest uut zijnen zi(n)nen ende alsoe/ gevuert te gheele te wackerzeele te mechlen en(de)/ dat hij aldair als een uuytsinne(n) mensche hadde/ geweest gemaent en(de) al mocht de weder/ p(ar)tie allige(re)n dat zeder dat hij alsoe qualijc te/ passe hadde geweest hij wel vi/ oft vii ja(r)en hadde geweest custe(r) te wackerzeele/ en(de) hem selven zijn goede en(de) custerie zeder/ wel hadde geregeert en soude hem dat niet conne(n)/ gedienen want hij coste(r) zijnde dicke inder messen/ geroepen hadde heele heele slaedoot slaedoot/ dwelc zij al p(rese)nteerden te thoen(en) en(de) te bewijsen(e)/ sustine(re)nde mits dien voir hue(r) conclusie dat de/ tvoirs(creven) tractaet crachteloes en(de) van onweerden/ gehouden soude wordden en(de) dat de voirs(creven) van/ goerlaken zijn goede die wel uutbrachten/ viertich rinsgulden(en) tsjaers wederom soude/ moegen aenveerden en(de) zijnen wille dairmede/ doen te voirde(r) want de voirs(creven) van bolloe yezeder/ den selven tractate de voirs(creven) goede hadde gehaven/ ende gehantplicht en(de) de voirs(creven) goerlaken hadde/ dair uut en(de) innegaen mair en hadde aen/ zijn tafle niet geseten en(de) en hadde van hem/ luttel oft niet vele gehadt noch oic zijnen/ nootdorste gehadt alsoe [hij] wel behoeft soude hebben/ alsoe men wel mocht zien aen zijn gedeente besund(er)/ zeder dat de huysvr(ouwe) desselfs jans van bolloe
//
aflivich wordden was die den selven goerlaken/ bestont en(de) met de voirs(creven) bolloe op dbetrouwen/ vand(er) welker tvoirs(creven) tractaet insdeels aengegaen/ was want zij een vand(en) naisten erfgenamen was/ vand(en) voirs(creven) goerlaken Seyde(n) voirt dat hem/ de voirs(creven) goerlaken zeder heeft moete(n) ontdragen/ op de vier stuv(er)s de weeke die hij die wille/ niet en conste gecrigen dat oic de voirs(creven) goerlaken/ niet wel en wiste wat hij dede blijct wel bij/ dien want hij zeder den tractate den voirs(creven) van/ bolloe hadde bekint sculdich te zijne een groote/ so(m)me van penni(n)ge nochtan dat in hem niet/ gehouden en was dair tegen de voirs(creven) van bolloe/ hem verantweerden(de) dede seggen dat hem van/ des voirs(creven) jans voirnemen(e) en(de) zijnder vrienden/ niet genoech en conde verwonde(re)n want al wart/ soe dat de voirs(creven) jan des meer dan xvi oft xviii/ jair geleden qualijc bij sijnen zy(n)nen hadde geweest/ hadde hij zeder geweest wel vi oft vii ja(r)en/ custe(r) te wechte(r) en(de) hadde hem selven zijn goede/ en(de) de custerie wel en(de) eerbairlijc geregeert/ en(de) was zijnder zynnen wel mechtich besunder/ ten tijde vand(en) tractate alsmen bemercten mochte/ bij onderscheyde inden selven tractate bij den voirs(creven)/ goerlaken ondersproken als vand(en) ouden stockgoeden/ dat die gaen souden dair die sculdich wa(r)en/ en(de) ande(r) conditien dair inne begrepe(n) ende/ gedroech hem oic des totten scepen(en) ende/ sec(re)tar(is) die over tselve tractaet hadde(n) geweest/ Ende dat hem de voirs(creven) goerlaken zeder/ bekint hadde een so(m)me van penni(n)gen/ was dat gedaen te meerder sekerh(eit) vand(en)/ voirs(creven) tractate seyde voirt dat hij zeder
//
den selven tractate den voirs(creven) goerlaken gehouden/ hadde wel en(de) tamelijc nae zijnen staet/ en(de) hem gedaen als hij sculdich was van doen(e)/ alle desen quaden tijt dore inde orloge en(de) d(air)/ nae nochtan dat hij luttel oft niet vele profijts/ vand(en) goede(n) en hadde gehadt als een yegelijc/ bij hem selven weten mach en(de) alsoe soude hij dairmede/ qualijc toecome(n) dat hem de goede nu souden/ wordde(n) ontogen als ten tijt begonste te bete(re)n/ en(de) op dat zijn wederp(ar)tie seyde dat zijn huysvr(ouwe)/ aflivich was die vand(en) naeste(n) erfg(enamen) was wa(re)n/ de kinde(re) de kinde(re) die hij hadde behoude(n) van hue(r)/ in hue(r) stadt ende alsoe en conste hen dat niet/ gedienen alle welke pointe(n) hij oic p(rese)nteerde te/ thoenen(e) en(de) te bewijsen(e) sustine(re)nde dat hij in/ zijnen voirs(creven) scepen(en) brieve(n) soude wordde(n) gehouden/ Nietmin om deswille dat de voirs(creven) van goerlaken/ uut informacie(n) vand(en) ghenen de bij hem wa(re)n/ en(de) die g(er)ne aen tgoet selve wa(re)n mette(n) voirs(creven)/ van bolloe niet wonen en woude noch te/ vreden zijn mette(n) ghene(n) des hij hem dede en(de)/ om dat men hem inden mont niet zien en/ soude noch connen geseggen dat hij onredelijck/ met hem leefde Soe p(rese)nteerde hij den selven/ goerlaken soe verre hij bijden selven bolloe/ niet woenen en wilt mair van hem bliven