Alsoe als ten vervolge der wed(uw)[en] jans wijle(n) hubrechts/ geleyt zijnde nae des(er) stad recht voir hue(r) wettich/ gebreck uuyt crachte van scepen(en) brieve(n) van loeven(e) tot/ alle den goeden beyde have ende erve meest(er) jans/ wijle(n) van boeslynthe(re) soe wair die geleg(en) sijn/ met brieve(n) van des(er) stad gescreve(n) es geweest/ aen den meye(r) van halen oft zijne(n) stadhoude(r) ter capelle(n)/ Ende versocht zee(r) ernstelijc alle deselve goede te leve(re)n/ ende te doen volgen der voirs(creven) wed(uw)[en] oft den/ bringer ons(er) voirs(creven) brieve(n) in hue(re)n name ende der/ wed(uw)[en] des voirs(creven) wijlen meest(er) jans en(de) goirde/ vande(n) wouwe(re) hue(re)n wynne oft sij hen dair teg(en)/ hadden willen oppone(re)n dach van rechte te bescheyden(e)/ op heden dienen(de) alhier te compare(re)n inde banck voir/ meye(r) ende scepen(en) van loeven(e) aldair gheen van hen/ noch p(ro)cur(eur) van hue(re)n weg(en) en compareerde(n) der voirs(creven)/ wed(uw)[en] hubrechts comp(ar)e(re)nde en(de) trecht voirts versueken(de)/ Soe hebbe(n) de scepen(en) van loeven(e) nae dat hen/ behoirlijck gebleke(n) heeft bij rapporte gielijs eveloege/ bode van des(er) stad die cleerde bij zijne(n) eede de leveri(n)ge en(de) dachbesch(eidinge) nae inhoudt sbriefs geschiet te zijne/ ter manissen smeyers gewesen met vo(n)nisse datmen/ der wed(uw)[en] voirs(creven) vande(n) voirs(creven) goede(n) houde(n) soude/ inde macht van hue(re)n scepen(en) brieve(n) soe verre het noch/ voir hen scepen(en) comen was Eisdem