Condt zij allen lieden dat merten eyckema(n)s/ molde(r) sone wilen henricx woenen(de) nu t(er) tijt/ te hoxhem in p(rese)ntia heeft genomen ende/ bekint genomen te hebben(e) tegen ja(n)nese vlas/ als p(ro)cur(eur) eerw(er)digen vad(er)s in gode m(ijns) hee(re)n/ des p(re)laets van vlierbeke de wat(er)moelen/ desselfs goidsh(uys) gelegen toirbeke mette(n) huyse/ vand(er) selv(er) moelen en(de) alle den toebehoirte(n)/ en(de) oic den wouwe(r) aen de selve moelen/ gelegen gelijck en(de) alsoe la(m)brecht scheerd(er)s/ die nu t(er)tijt houden(de) es Te houden(e) ende/ te hebben(e) van kersmisse naistcomen(de) eene(n)/ t(er)mijn van sesse jai(re)n lang due(re)nde deen/ nae dand(er) sond(er) middel v(er)volgen(de) Elcx/ jairs om ende voir veerthien sacken core(n)s/ thiensch(er) alsulcx pachts als de moelen wynne(n)/ sal ende d(air)mede de mold(er)s vand(en) ande(re)n/ moelen d(air)omtrint aen hue(r) meest(er)s gestaen/ moegen tallen vierdel jairs tvierdel vand(er)/ voirs(creven) pachte te betalen en(de) te thienen ten huyse/ dair men hem dat bewijsen sal te leve(re)n/ quol(ibe)t ass(ecutu)[m] Met cond(ici)[en] en(de) voirw(er)den/ dat de voirs(creven) molde(r) de voirs(creven) moelen/ zijnen voirs(creven) [t(er)mijn] due(re)nde sal houden op zijne(n)/ cost van allen gaen(de) ende rue(re)nde wercke/ en(de) desgelijcx oic de huysingen vand(er) selver/ moelen in goed(er) rep(ar)atien van wande/ en(de) van dake behalven oft d(air)bynnen oft/ d(air)buyten rat brake alsoe dat geheelijck/ nyen soude moete(n) gemaict wordden dat/ sal m(ijn) hee(re) moeten doen maken op zijne(n)/ cost des sal nochtan de molde(r) die rade(n)/ houden van alpen e ca(m)men en(de) spillen en(de)/ des d(air)aen cleeft It(em) sal de voirs(creven) mold(er)/ vand(en) voirs(creven) wouw(er) jairlijcx geven den te paessche(n) den/ t(er)mijn due(re)nde drie r(ins)g(ulden) xx st(uvers) tstuck/ Des sal m(ijn) hee(re) hem dien leve(re)n wel/ gerepareert en(de) gespijst met tweehond(er)t
//
antenoys en(de) des sal de wynne molde(r)/ dien tsijnen afsceyden(e) moeten v laten/ wel gerepareert en(de) gespijst mette twee/ hond(er)t a(n)tenoys soe hij dien ae(n)veerden/ sal It(em) sal de voirs(creven) molde(r) opden voirs(creven)/ dijck vander voirs(creven) moelen jairlijcx/ moeten setten en(de) plante(n) en(de) wel v(er)dorne(n)/ alsoe vele poten als de voirs(creven) la(m)brecht/ heeft moeten doen alsoe dat blijct inde/ pechti(n)ge desselfs la(m)brechts [It(em) wa(n)t des voirs(creven) la(m)brechts pecht(in)ge noch due(re)n sal tot s(in)t jans(mis)s[e] naistcomen(de) soe es voirw(er)de op dat de voirs(creven) la(m)brecht d(air)af niet en wilt scheid(en) te kers misse naistcomen(de) dat in dien ge valle des voirs(creven) m(er)tens pecht(in)ge yerst sal inne gaen ts(in)t jans(mis)s[e] naistcomen(de)] Ende alle/ dese voirw(er)den (et)c(etera) Ende hieraf es zijn/ borghe(n) als pri(n)cipale sculders des voirs(creven)/ wynnen elc een voir al jan van mechelen/ sone wilen henricx en(de) henrick van ijssche/ sone wilen [symoens] beyde woenen(de) te hoxhem/ Et p(rim)[(us)] Cor(am) vy [abs(oloens)] cav(er)son zande no(vem)[br(is)]/ xviii